နှမ်းတစ်စေ့ပုံပြင်၊ ဖြူစင်တဲ့လောကနဲ့ အမျှင်မပြတ်တဲ့အတွေး..

နှမ်းစေ့ကလေးတစ်စေ့အကြောင်း ပုံပြင်လေးတစ်ခု ကြားဖူးတယ်။ ဆီကြိတ်စက်ကြီးဆီကို အသွားမှာ ကွင်းပြင်တစ်ခုကိုဖြတ်သွားတုန်း မတော်တဆ မြေကြီးပေါ်ကို ကျကျန်နေခဲ့တဲ့ နှမ်းစေ့ကလေး တစ်စေ့ဟာ သူ့အပေါင်းအဖေါ်တွေနဲ့အတူတူ ဆီကြိတ်တဲ့ဆုံကြီးဆီကို ပါမသွားနိုင်ခဲ့ တော့ဘူး။ သူဟာ သူ့အဖေါ်တွေလို ဆီဖြစ်ခွင့်မရတော့လို့ အင်မတန်မှ ၀မ်းနည်း နေခဲ့မိတယ်။ တကိုယ်တည်း စိတ်ဓါတ်ကျစွာ ၀မ်းပန်းတနည်း ငိုကြွေး နေခဲ့တယ်။ သူဟာ သူ့အပေါင်းအသင်းတွေလို အသုံးကျတဲ့အရာ တစ်ခု ဖြစ်ခွင့်မရတော့တဲ့အပေါ် သူ့ကိုယ်သူ နာကျည်းလို့မဆုံး ဖြစ်နေခဲ့တာပေါ့။ နှမ်းစေ့ကလေးနားက မြက်ပင်လေး ကတော့ နှမ်းစေ့ကလေးကို အားပေးဖို့ကြိုးစားကြည့်တယ်။ မြက်ပင်ကလေးက အသင်ဟာ ဆီမဖြစ်ခဲ့ပေမယ့် ဆီဖြစ်နိုင်တဲ့ နှမ်းစေ့ကလေးဘ၀ကို ပိုင်ဆိုင်ခဲ့ရတာ ဘယ်လောက် ကောင်းလိုက်သလဲလို့ ပြောတယ် နှမ်းစေ့ကလေးက ဆီဖြစ်ခွင့်မရမှတော့ နှမ်းတစ်စေ့ရဲ့ဘ၀ဟာ ဘာများ အသုံးကျတော့မှာလဲကွာလို့ ကြေကွဲတဲ့လေသံနဲ့ ပြန်မေးလိုက်တယ်။ တစ်ခုခုတော့ အသုံးကျမှာပါကွာလို့ မြက်ပင်လေးက ပြန်ပြောတယ်။ နှမ်းစေ့ကလေးကတော့ အားလျော့တဲ့ လေသံနဲ့ မဖြစ်နိုင်ပါဘူးကွာလို့ စိတ်ပျက်စွာ ပြန်ပြောလိုက်တယ်။ မြက်ပင်လေးကတော့ အားမလျော့သေးဘူး။ သူနှမ်းစေ့ကလေးကို ဘယ်လိုအားပေးရမလဲလို့ စဉ်းစားနေတယ်။ နှမ်းစေ့ကလေးရေ ဆီမဖြစ်ခဲ့ပေမယ့် မင်းမှာ တခြားလုပ်နိုင်တာ တစ်ခုခု ရှိနေချင် ရှိနေအုံးမှာပါကွာလို့ မြက်ပင်ကလေးက စဉ်းစားရင်း လှမ်းပြောလိုက် ပြန်တယ်။ ဆီမဖြစ်တော့တဲ့ နှမ်းတစ်စေ့က ဘာများလုပ်နိုင်စရာ ရှိရအုံးမှာလဲ။ အသုံးမကျတော့တဲ့ ဘ၀ပါဗျာလို့ နှမ်းစေ့က စိတ်ဓါတ်ကျသံနဲ့ ပြန်ပြောတယ်။ ဆီမဖြစ်နိုင်တော့ပေမယ့် နှမ်းပင်လေး တစ်ပင်တော့ ခင်ဗျားအနေနဲ့ ဖြစ်နိုင်သေးတယ်လေ မဟုတ်ဘူးလားလို့ မြက်ပင်လေးက မေးလိုက်ပြန်တယ်။ နှမ်းတစ်ပင်နဲ့လဲ ဆီဖြစ်ဖို့ဆိုတာ မဖြစ်နိုင်သေးပါဘူးဗျာ။ အလကားပါပဲလို့ နှမ်းစေ့က စိတ်ပျက်လက်ပျက် ခေါင်းခါရင်း ပြန်ပြောလိုက်တယ်။ ဒါတော့မှန်တာပေါ့ဗျာ။ တစ်ပင်တည်းနဲ့တော့လည်း ဘယ်ဆီဖြစ်ပါ့မလဲ။ ဒါပေမယ့်လည်း မင်းရဲ့ အပင်လေးက နှမ်းသီးလေးတွေသီး နှမ်းစေ့လေးတွေထပ်ကျ နောက်ထပ်
နှမ်းပင်လေးတွေထပ်ပေါက် အဲဒီအပင်လေးတွေကနေ နှမ်းစေ့ကလေးတွေ အများကြီး ထပ်ထပ်ကျ နှမ်းပင်ကလေးတွေ အများကြီး ထပ်ပေါက်ဆိုရင်တော့ သိပ်မကြာခင် ဒီနေရာမှာ နှမ်းခင်းကြီးတစ်ခင်း ဖြစ်လာနိုင်သေးတာပဲ မဟုတ်လားဗျာ။ ဒါဆိုရင် မင်းရဲ့မျိုးဆက်နှမ်းစေ့လေးတွေကတော့ ဆီဖြစ်ခွင့် ရှိလာနိုင်သေးတာပေါ့လို့ မြက်ပင်လေးက အားတက်သရော ပြောပြန်တယ်။ နှမ်းစေ့ကလေးက တစ်ချက်စဉ်းစားလိုက်ပြီး အင်းပေါ့လေ ဒီလိုဖြစ်လာရင်တော့ သိပ်မဆိုးပါဘူး။ နှမ်းတစ်စေ့ကနေ နှမ်းတစ်ပင်၊ နှမ်းတစ်ပင်ကနေ နောက်ထပ် နှမ်းပင်တွေဖြစ်လာမယ် ဆိုရင်တော့ ကျွန်တော် နှမ်းတစ်ပင်ဖြစ်လာအောင် ကြိုးစားကြည့်ပါ့မယ်လို့ မြက်ပင်ကလေးကို ပြန်ပြောလိုက်တယ်။ အဲဒါနဲ့ပဲ နှမ်းစေ့ကလေးကနေ နှမ်းပင်ကလေးပေါက် နှမ်းသီးလေးတွေသီး ရင့်မှည့်တဲ့အချိန်ရောက်တော့ နှမ်းသီးကလေးတွေက ပေါက်ကွဲထွက်ပြီး နှမ်းစေ့ကလေးတွေ ပတ်ဝန်းကျင်မှာ ထပ်ကျရာကနေ နှမ်းပင်ကလေးတွေ ထပ်ပေါက် အဲသလိုနဲ့ပဲ သိပ်မကြာတဲ့နှစ်တွေအတွင်းမှာ နှမ်းစေ့ကလေးကျခဲ့တဲ့ ကွင်ပြင်ကြီးဟာ နှမ်းခင်းကြီးတစ်ခင်း ဖြစ်လာခဲ့တယ်။ အဲဒီနှမ်းခင်းကြီးကို ဆီစက်အလုပ်သမားတွေ တွေ့တဲ့အခါ အလွန်အံ့သြကြတာပေါ့။ ဒီကွင်းပြင်ကြီးထဲမှာ ဒီနှမ်းခင်းကြီး ဘယ်လိုများဖြစ်လာပါလိမ့်လို့ အံ့သြတကြီးဖြစ်နေခဲ့ကြတယ်။ အဲဒါနဲ့ အလုပ်သမားတွေလည်း နှမ်းတွေရိတ်သိမ်းချိန်တန်တော့ အဲဒီနှမ်းတွေကို ရိတ်သိမ်းပြီး ဆီကြိတ်ဖို့အတွက် ဆီစက်ကိုပို့လိုက်ကြတယ်တဲ့။ ဆီဖြစ်ခွင့်မရခဲ့ရှာတဲ့ နှမ်းစေ့လေးတစ်စေ့ကနေ စခဲ့တဲ့ ဒီနှမ်းခင်းကြီးက နှမ်းစေ့ကလေးတွေ ကတော့ ဆီဖြစ်ခွင့်ရသွားခဲ့ကြတာပေါ့ကွယ်။

ကြားဖူးတဲ့ ပုံပြင်ကလေးကတော့ ဒီမှာပြီးသွားပါတယ်။ ဒါပေမယ့် မပြီးနိုင်တာကတော့ ကိုယ့်အတွေး… တကယ်နှမ်းစေ့ကလေးက အပြင်မှာ နှမ်းခင်းကြီးတစ်ခင်း ဖြစ်မဖြစ်တော့ ကိုယ်မပြောတတ်ဘူး။ ဒါကပုံပြင်ပဲလေ။ ကလေးတွေ အိပ်ယာဝင်ချိန်မှာ ပြောပြဖို့ လူကြီးသူမတွေရဲ့ စိတ်ကူးယဉ် ပုံပြင်တစ်ပုဒ် ဖြစ်ကောင်းဖြစ်ပါလိမ့်မယ်။ သို့သော်ငြားလည်း ပုံပြင်ထဲက နှမ်းစေ့ကလေးက ကိုယ့်စိတ်ကို ဖမ်းစားတယ်။ နှမ်းစေ့ကလေးအကြောင်း ကိုယ်လျှောက်တွေးတယ်။ အပြင်လောကမှာ နှမ်းစေ့ကလေးက ကိုယ်ဖြစ်နေခဲ့ရင်ကော…
နှမ်းပင်ကလေးတစ်ပင် ပေါက်လာအောင်ထိတောင် ကိုယ်စွမ်းဆောင်နိုင်ပါ့မလား… အတွေးပွားစရာ… ပြီးတော့ အပြင်မှာက မြက်ပင်ကလေးလို အားပေးမဲ့သူထက် ပစ္စလက်ခတ် မညှာမတာ နင်းခြေသွားကြမယ့်သူတွေကြားမှာ နှမ်းပင်ကလေး ရှင်သန်နိုင်ပါ့မလား။ နှမ်းစေ့ကလေး ကျကျန်နေခဲ့တဲ့ နေရာဟာ အပင်မပေါက်နိုင်တဲ့ ကျောက်တုံး ကျောက်ဆောင်တွေ ကြားမှာ ဖြစ်နေခဲ့ရင်ကော… အပင်ပေါက်နိုင်တဲ့နေရာမှာ ကျခဲ့ရင်တောင် ကြက်ယက် ငှက်စားအခြေအနေမျိုးမှာဆိုရင် အပင်လေးတောင် ဖြစ်ခွင့်ရပါ့မလား။ ပုံပြင်ထဲမှာ အားပေးတဲ့ မြက်ပင်လေးကြောင့်သာ နှမ်းစေ့ကလေးက အပင်ကလေးတစ်ပင်ဖြစ်လာဖို့ ရွေးချယ်ခဲ့တာ။ မြက်ပင်လေးမရှိခဲ့ရင် နှမ်းစေ့ ကလေးဟာ ဆီလဲမဖြစ် အပင်လဲမပေါက် အခြေအနေမှာ စိတ်ဓါတ်ကျစွာနဲ့ပဲ အဆုံးသတ် သွားခဲ့မှာလား… တွေးစရာတွေက အမျှင်မပြတ်… ကိုယ်သာ နှမ်းစေ့ကလေးနေရာမှာ ဆိုရင်… မြက်ပင်ကလေးလဲ မရှိခဲ့ဘူးဆိုရင်… ကိုယ်အဆိုးတွေ အပျက်တွေချည်းပဲ တွေးမိနေခဲ့သလား။

ဖြူစင်ခြင်းတွေ လောကကြီးမှာ ရှားပါးနေတယ်။ လူတွေမှာ ဖြူစင်တဲ့နှလုံးသားတွေ မရှိကြတော့ဘူး။ လောကကြီးကတော့ အနက်ရောင်တွေပဲ လွှမ်းမိုးနေတော့တာပါပဲကွာ ဆိုတာမျိုး ညည်းငြူတာတွေ၊ နေရာတကာမှာ ဖြူစင်မှုဆိုတာ မရှိနိုင်ဘူး ဆိုတဲ့အသံတွေ မကြာခဏ ကြားကြား နေရတယ်။ အဲဒီလိုအသံတွေ ကြားရရင် ကိုယ့်အတွေးထဲကို ပုံပြင်ထဲက နှမ်းစေ့ကလေး ၀င်ဝင်လာတတ်တယ်။ ဘာမှတော့လဲ မဆိုင်လှပါဘူး။ ဒါပေမယ့် ကိုယ့်အတွေးထဲမှာတော့ နှမ်းစေ့ကလေးက ဖြူစင်ခြင်းဆိုတဲ့ နှမ်းပင်ကလေး တစ်ပင်ကို ရှင်သန်နိုင်အောင် ကြိုးစားနေခဲ့တယ်။ သူ့အပင်ကနေ ဖြူစင်ခြင်းနှမ်းစေ့ကလေးတွေ ပွားများလာပြီး အဲဒီနှမ်းစေ့ကလေးတွေကနေတဆင့် ဖြူစင်ခြင်းဆိုတဲ့ နှမ်းခင်းကြီး ဖြစ်လာတဲ့ အထိ နှမ်းစေ့ကလေးတွေကို ဆက်လက် ပွားများစေခဲ့တယ်။ အဲဒီနှမ်းစေ့ကလေးတွေက နေရာအနှံ့ တစ်လောကလုံးကို ပြန့်ပွား သွားနိုင်ခဲ့ရင် ဖြူစင်ခြင်းတွေ နေရာအနှံ့ မရောက်နိုင်ပေဘူးလား။ အဲဒီလိုဆိုရင်တော့ ဖြူစင်တဲ့နှမ်းခင်းတွေ လောကကြီးထဲ နေရာအနှံ့မှာ ရှိလာတော့မှာပေါ့။ နေရာတကာမှာ ဖြူစင်မှုတွေ ပြန့်ပွားလာဖို့အတွက်
ဖြူစင်ခြင်းနှမ်းစေ့ကလေးတွေ အများကြီး ရှိလာဖို့တော့ လိုအပ်တယ်လေ။ နှမ်းကလေးတစ်စေ့ကနေ တဖြည်းဖြည်း ပွားများလာမယ့် နှမ်းခင်းကြီးဆိုတာ ဘယ်လောက်ကြာနိုင်သလဲ ကိုယ်မသိပါဘူး။ သို့ပေမယ့်လည်း ဖြူစင်တဲ့လောကဆိုတာ ဖြစ်လာနိုင်ဖို့အတွက် ကိုယ် ကိုယ်တိုင်ကအရင်ဆုံး ကိုယ့်နှလုံးသားထဲမှာရှိတဲ့ ဖြူစင်မှုဆိုတဲ့ နှမ်းစေ့ငယ်ကလေးကို အပင်ကလေး ပေါက်လာနိုင်အောင် ကြိုးစားရအုံးမှာ။ အဲဒီအပင်ကရလာမယ့် နှမ်းစေ့ကလေးတွေကိုလည်း ဆက်လက်ပြီး ပြန့်ပွားစေရအုံးမှာ…။ အဲဒီနှမ်းစေ့ကလေးတွေကနေ အပင်လေးတွေ ထပ်ထပ်ပြီး ပေါက်နေဖို့လည်း လိုအပ်သေးတာ… တဖြည်းဖြည်းတော့လည်း နှမ်းခင်းကြီးဖြစ်လာရမှာပေါ့။ ပြောရရင်တော့… ဒါ ကိုယ့်ရဲ့ မရူးမနှမ်း စိတ်ကူးယဉ်အတွေး သက်သက်ပါပဲ။ တကယ်တော့ အခုမှ ကိုယ်က နှမ်းပင်ကလေး တစ်ပင်ဖြစ်လာဖို့ ကြိုးစားကြည့်နေမိတဲ့ အညှောက်တောင် မပေါက်သေးတဲ့ နှမ်းစေ့ကလေး တစ်စေ့အဖြစ် စိတ်ကူးကြည့်ရုံသက်သက်လေးပဲ ရှိပါသေးတယ်။ ဒါပေမယ့် တချိန်ချိန်မှာ နှမ်းစေ့ကလေးကနေ ဖြစ်လာမယ့် နှမ်းခင်းကြီးကိုတော့
ဖြူစင်တဲ့လောကကြီးအဖြစ် ကိုယ်မျှော်လင့်နေမိပါသေးတယ်။
နှမ်းစေ့ကလေးအတွက် ကိုယ်အဆိုးတွေချည့်ပဲ မတွေးခဲ့ပါဘူးဆိုတာ… ။     ။

အမြဲတမ်း ငြိမ်းချမ်းကြပါစေ။

ရေနစ်တဲ့မြို့

ချောင်းရေကလျှံ မြစ်ရေကတိုး

မိုးမင်းရှင် သူ မသနားတယ်

သွန်းဆင့်ကာဖြိုး..။

ရေတိုးတဲ့မြစ်ပြင်

တသွင်သွင်လျှံကာဖြိုးပါလို့

ကမ်းကိုပင် ကျော်ကာလွှမ်းလို့ရယ်

မြို့တွင်းဝယ် ဘောင်ဘင်စီးတာကြောင့်

မြစ်ရေလျဉ် တစ်ခွင်ကြောမှာ ရေနစ်တဲ့မြို့။      ။

ကမ္ဘောဒီးယားမှာ ပြီးခဲ့တဲ့သြဂုတ်လထဲကစလို့ တနိုင်ငံလုံးမှာ နေရာအနှံ့

ရေတွေကြီးနေပါတယ်။ နောက်ဆုံးသိရတဲ့ သတင်းများအရ အဲဒီလို

ရေလွှမ်းမိုးမှုကြောင့် တနိုင်ငံလုံးမှာ ဗြိတိန်နိုင်ငံသားတစ်ဦး အပါအ၀င် 

အနည်းဆုံး လူ ၁၀၀နီးပါးသေဆုံးခဲ့ရတယ်လို့ဆိုပါတယ်။ ရေကြီးမှုကြောင့် 

အိမ်ယာပေါင်း ၆၃ ၀၀၀ ခန့် ရေမြုပ်သွားကာ အခုအချိန်အထိတနိုင်ငံလုံး 

အတိုင်းအတာနဲ့ မိသားစုပေါင်း ၁၀၀ ၀၀၀ ကျော်လောက် ရေဘေးဒဏ် 

ခံစားနေရပြီး ကျောင်းပေါင်း ၃၀၀ခန့်လည်း ပိတ်ထားရပါတယ်။ 

လယ်ယာမြေ ၁၆၃ ၀၀၀ ဟက်တာခန့်လည်း (ဧက ၄၀၇ ၀၀၀ခန့်)

ရေနစ်မြုပ်သွားခဲ့ရတယ်လို့ အစိုးရရဲ့ သတင်းထုတ်ပြန်ချက်အရ 

သိရပါတယ်။ ရေကအခုအချိန်ထိ ဆက်လက်ပြီး ကြီးနေဆဲပါ။ 

ဘယ်နှစ်ရက်လောက် ဆက်ကြီးအုံးမယ် မသိသေးပါဘူး။ ကမ္ဘောဒီးယား 

အစိုးရကတော့ ကယ်ဆယ်ရေးလုပ်ငန်းတွေကို အတော်အရေးပေးပြီး 
လုပ်နေပါတယ်။ ၀န်ကြီးချုပ် ဟွန်ဆန် ကိုယ်တိုင် အရေးပေါ် 
အစည်းအဝေးခေါ်ပြီး ရေဘေးကယ်ဆယ်ရေးနဲ့ ရေဘေးကြုံခဲ့ရတဲ့
ပြည်သူတွေအတွက် ပြန်လည်ထူထောင်ရေး လုပ်ငန်းများကို 
စီမံချက်တွေချပြီး ညွှန်ကြား လုပ်ဆောင်နေပါတယ်။

အမှန်တော့ ကမ္ဘောဒီးယားမှာ ရေကြီးတာဟာ ပုံမှန်အနေအားဖြင့် 
အဆန်းမဟုတ်ပါဘူး။ မဲခေါင်မြစ်ဝှမ်းဒေသတစ်ခုဖြစ်တဲ့ ကမ္ဘောဒီးယား
နိုင်ငံဟာ ဟိုးအရင်ကတည်းက နှစ်စဉ်နှစ်တိုင်း မိုးရာသီကာလတွေမှာ 
ဆိုရင် မဲခေါင်မြစ်ရေတိုးလို့ ရေလွှမ်းနေကျဧရိယာတွေ သဘာဝအတိုင်း 
ရှိနေပြီးသားပါ။ ဒါပေမယ့် အခုနောက်ပိုင်း နှစ်တွေမှာတော့ မဲခေါင်မြစ်
ရေလွှမ်းမိုးမှုဟာ ပုံမှန်အတိုင်း မဟုတ်တော့ပဲ တစ်နှစ်ထက်တစ်နှစ် 
ဆိုးဝါးလာလိုက်တာ အခုတစ်ကြိမ်ရေကြီးတဲ့ အဖြစ်ကတော့ ပြီးခဲ့တဲ့ 
ဆယ်စုနှစ်တွေအတွင်းမှာ အဆိုးဝါးဆုံး အခြေအနေ ဖြစ်တယ်လို့
ဆိုကြပါတယ်။

မအိမ်သူတို့တွေ ကမ္ဘောဒီးယားမှာ နေတာ အတော်လေး ကြာပါပြီ။ 
အရင်တုန်းက အဲဒီလို ရေကြီးမှုမျိုးကို မကြုံခဲ့ရပေမယ့် လွန်ခဲ့တဲ့ ၂၀၀၈
ခုနှစ်ကစလို့ ပထမဦးဆုံးအကြိမ် မြစ်ရေတွေလျှံတက်ပြီး မြို့ထဲကို 
ဒလဟောစီးဝင်ကာ ရေလွှမ်းသွားတာကို စပြီးကြုံခဲ့ရပါတယ်။
အဲဒီတုန်းက ဒီမြို့ဒေသခံတွေရဲ့ အပြောအရဆိုရင် သူတို့တစ်သက်မှာ 
ဒီလိုရေကြီးတာဟာ ဒါဟာ ပထမဦးဆုံးအကြိမ် ဖြစ်ပါတယ်တဲ့။ 
အဲဒီတုန်းကဆိုရင် မြစ်ကိုဖြတ်တဲ့ တံတားပေါ်မှာ လူတွေအုံခဲပြီး
ကြိတ်ကြိတ်တိုးနေအောင် မြစ်ရေလျှံတာကို လာကြည့်ကြတာ
တွေ့ခဲ့ရဖူးပါတယ်။ အဲဒီနှစ်ကစလို့ နှစ်စဉ် စက်တင်ဘာ အောက်တိုဘာ
ဆိုရင် မြစ်ရေလျှံတက်လာပြီး မြို့ကို တစ်နှစ်တစ်ကြိမ် ရေလွှမ်းတာ
ဒီနှစ်ဆိုရင် လေးနှစ်ဆက်တိုက်ရှိပါပြီ။

ဒါ ၂၀၀၈တုံးက ပထမဦးဆုံးအကြိမ် မြစ်ရေတွေ ကမ်းပေါ်ကို လျှံတက်လာတဲ့ပုံပါ။ ဒီနှစ်မှာတော့ အခုမြင်နေရတဲ့ လူထိုင်နေတဲ့ကမ်းကိုပါ ရေတွေအကုန်လွှမ်းသွားပါတယ်။ တစ်မြို့လုံး ရေအပြည့်ပါပဲ။

 ဒီနှစ်မှာတော့ အခြေအနေ ပိုဆိုးလာတဲ့အပြင် တစ်ကြိမ်နဲ့တစ်ကြိမ် 
ကြားထဲမှာ တစ်ပတ်တိတိပဲခြားပြီး နှစ်ကြိမ်တိုင်တိုင် ရေကြီးတာပါ။ 
အခု ဒုတိယတစ်ကြိမ် ရေကြီးတာဟာ ကြုံခဲ့သမျှထဲမှာ အဆိုးဆုံးပါပဲ။ 
အရင်တုံးက တစ်ခါမှ ရေမလွှမ်းဖူးတဲ့ နေရာတွေအထိ တစ်မြို့လုံးနီးပါး ဒူးလောက် ပေါင်လောက်ရှိတဲ့ ရေထဲနစ်နေတာ ဒီနေ့ဆိုရင် ၆ရက်တောင်
ရှိနေပါပြီ။ လွန်ခဲ့တဲ့ ကြာသပတေးနေ့ ညနေပိုင်းလောက်မှာ ရေတွေ 
တရိပ်ရိပ်စတက်လာလိုက်တာ သောကြာနေ့မနက်မှာတော့ တစ်မြို့လုံးကို
ရေတွေလွှမ်းသွားပါတယ်။ တစ်မြို့လုံးလည်း သွားရေးလာရေးတွေ အကုန်
ခက်ခဲကုန်ပြီး ဈေးတွေဘာတွေ ၀ယ်တာခြမ်းတာကအစ အတော်လေးကို 
ဒုက္ခရောက်ပါတယ်။ ဘယ်သွားသွား အဲဒီဒူးလောက် ပေါင်လောက်ရှိနေတဲ့
ရေတောထဲမှာ ခြေလျင်ရုန်းပြီး သွားနေရတာ ခြေသလုံးတွေကြွက်တက် မတတ်ပါပဲ။ မြစ်ရေလျှံတာမို့လို့ ရေတွေက မြစ်ထဲကနေ အရှိန်နဲ့စီးဆင်း
နေတဲ့အတွက်ကြောင့် အဲဒီရေစီးတဲ့ အရှိန်ကို ရုန်းပြီးသွားရတာ 
အတော့်ကိုမလွယ်တဲ့ ကိစ္စပါ။ အခုအချိန်ထိ ရေကသိသိသာသာ 
ကျ မသွားသေးပါဘူး။ မိုးကလဲ ဒီရက်တွေမှာ ဆက်တိုက်ဆိုသလို
နေ့နေ့ညည ရွာနေတဲ့အတွက် ဘယ်နှစ်ရက်လောက် ဒီရေတွေနဲ့ 
စခန်းသွားရအုံးမယ် မသိသေးပါ။ ပုံမှန် အနေအထားအရ ဆိုရင်
အောက်တိုဘာလဟာ ကမ္ဘောဒီးယားမှာ မိုးများတဲ့လ ဖြစ်ပါတယ်။ ခါတိုင်းနှစ်တွေ ရေကြီးရင် အောက်တိုဘာလောက်မှ ကြီးတတ်တာပါ။ ဒီနှစ်မှာတော့ စောစီးစွာ နှစ်ကြိမ်တောင် ကြီးပြီးနေပြီဆိုတော့ ရှေ့လ
အတွက်ကိုလည်း စိတ်ပူစရာပါပဲ။ နောက်ထပ်ရေကြီးနိုင်တဲ့ အနေအထား အများကြီးရှိနေပါသေးတယ်။ စောင့်ကြည့်ရုံပဲ တတ်နိုင်ပါတယ်။ 
သဘာဝတရားရဲ့ဖေါက်ပြန်မှုတွေကို တားဆီးလို့မှ မရနိုင်တာမဟုတ်လား။

ဒါက ဟိုလွန်ခဲ့တဲ့ နှစ်ပတ်လောက်က ပထမအကြိမ် ရေကြီးတဲ့ပုံပါ။

ဒါကတော့ အခု ဒုတိယအကြိမ်ပေါ့။ အိမ်အပေါ်ထပ်က လှမ်းရိုက်ထားတာ။ ပထမ အကြိမ်တုံးက အိမ်အောက်ထပ်ထဲ ရေမ၀င်ဘူး။ အခု အောက်ထပ်ထဲထိဝင်လို့ သဲအိတ်တွေနဲ့ ကာထားတဲ့ပုံပါ။ လှေကား သုံးထစ်မြုပ်နေပြီး အရှေ့က သဲအိတ်လေး ၂ခုက လှေကားဘောင်ကို ရေထဲမှာ တိုက်မိမစိုးလို့ အမှတ်အသားလုပ်ပြီး တင်ထားတာ။

ခြံထဲက တစ်ဝက်လောက်ရေမြုပ်နေတဲ့ သရက်ပင်။ ကြည့်လေရာ ရေဖွေးဖွေးပါပဲ။ ကျွန်းပေါ်ရောက်နေသလိုတောင် ခံစားရတယ်။

ဒါကတော့ ကမ္ဘောဒီးယား ရေကြီးတဲ့ သတင်းလေးတွေပါ။

http://www.chinadaily.com.cn/world/2011-09/26/content_13795976.htm

http://www.monstersandcritics.com/news/asiapacific/news/article_1665132.php/Cambodia-flooding-death-toll-approaches-100

http://www.bellinghamherald.com/2011/09/26/2202769/death-toll-from-cambodia-flooding.html

http://poleshift.ning.com/profiles/blogs/cambodia-flooding-37-villages-and-damaging-over-5-000-homes

အမြဲတမ်း ငြိမ်းချမ်းကြပါစေ။

ချစ်သောအမေ့အတွက်...

နေထွက်ချိန် အမေ့ရဲ့အလှ

အို..အမေ

အမေ့ရဲ့မေတ္တာရေနဲ့

သားသမီးတို့ဘ၀

ရှင်သန်ခဲ့ရတယ်အမေ…။

အမေ့ရဲ့ရင်ငွေ့ကိုခြုံ

ခိုလှုံခွင့်ရခဲ့ကြလို့

သားတို့သမီးတို့

အရာရာပြည့်စုံခဲ့ကြတယ်အမေ…။

အမေ့ရဲ့အစွမ်းနဲ့

သားသမီးတွေမှာ

ဝမ်းဝလို့ခါးလှခဲ့ကြတယ်အမေ…။

အမေ့ရဲ့ကျေးဇူးတရား

သားသမီးများအတွက်

ကြီးမားလွန်းလှတယ်အမေ…။

အမေဟာ…

သားသမီးတို့ရဲ့ခိုကိုးရာ

မြတ်နိုးစရာကောင်းတဲ့မိခင်..

ခမ်းနားတဲ့ရာဇ၀င်တွေနဲ့

တန်ဖိုးဖြတ်မရတဲ့

သမိုင်းကြောင်းအလှတွေကို

ပိုင်ဆိုင်ထားတဲ့အမေအတွက်

သားသမီးတွေမှာ ဂုဏ်တက်ခဲ့ရတယ်အမေ…။

အခုအမေ့ကိုလေ…

သားသမီးတွေလက်လွတ်ဆုံးရှုံးရတော့မယ်။

အမေ့ကို…

သွေးမတော် သားမစပ်သူတွေလက်

ဝကွက်လို့အပ်လိုက်ရတော့မယ်။

အမေဟာ…

မကြာခင်အချိန်အတွင်းမှာ

အဆင့်ဆင့်ထိန်းချုပ်မှုတွေအောက်

အသက်ပျောက်ရတော့မယ်။

ထားမသွားပါနဲ့အမေ…

သားသမီးတွေရဲ့ဘ၀များ

အမိမဲ့သား ရေနည်းငါးလိုအဖြစ်မျိုးနဲ့

ခိုကိုးရာမဲ့ကြရတော့မှာလားအမေ…။

အမေ့ကို…

မဆုံးရှုံးပါရစေနဲ့အမေ…

ညှိုးချုံးတဲ့ဘ၀တွေနဲ့

သားသမီးတွေမှာ

ရင်ခွင်မမဲ့ပါရစေနဲ့အမေ…။

အမေခွဲခွာသွားမယ့်နေ့ရက်တွေကို

သားသမီးတွေလက်ချိုးရေတွက်လို့

စောင့်နေရမယ်တဲ့လား…

မဖြစ်နိုင်ပါဘူးအမေ…

အမေ့ကိုနှိပ်စက်ကြမယ့်

သူစိမ်းများရဲ့လက်က

အမေလွတ်မြောက်ရအောင်

သားသမီးတွေရဲ့မျက်ရည်စက်

နှလုံးသွေးတွေနဲ့စက်လို့

ကယ်တင်ကြမယ်အမေ…။

အမေကျန်းမာပါစေ…

      အမေအသက်ရှည်ပါစေ…

             သားသမီးတွေအတွက်

                    မျိုးဆက်သစ်တွေအတွက်
             ရှေ့ဆက်ရမယ့်ရာဇ၀င်သစ်တွေ
      ဆက်လက်ပြီးလှပစေဖို့အတွက်..        

အမေ့ရဲ့ နေ့ရက်တွေ
ဆက်လက်ရှင်သန်ပါစေအုံးအမေ…။
အမေ့ရဲ့ နှလုံးသွေးတွေ
ဆက်လက်စီးဆင်းပါစေအုံးအမေ…။
အမေ့ရဲ့ အနာဂတ်များ
ဆက်လက်လှပပါစေအုံးအမေ…။

~ ~ ~ @ @ @ ~ ~ ~

အမေ့ရင်ခွင်ထဲက တံငါလှေများ

ပျော်ပါးနေကြတဲ့ လင်းပိုင်လေးတွေ

ကံဆိုးရှာတဲ့လင်းပိုင်လေး

(ကြီးမားလွန်းတဲ့ အရင်းအနှီးအတွက် ချွေးသိပ်ပေးတဲ့ ဆင့်ပါးစပ်နှမ်းပက် 
သလောက် ရလာဒ်ကလေးကို တွေးကြည့်ရုံနဲ့တင် ရင်နာစရာအဖြစ်ပါ။ 
အကောင်းအဆိုး အကျိုးအပြစ်တွေကို ချိန်ဆလို့ အရင်းအနှီးနဲ့ အကျိုးအမြတ်
ရလာဒ်တွေ တူနေခဲ့ရင်တောင် မလုပ်သင့်တဲ့ အဖြစ်မို့ မနှောင်းသေးခင်
ပြန်လည်ဆင်ခြင်သင့်ပါတယ်။
ဘ၀မှာ အစားထိုးမရတဲ့ အမေအရင်းရဲ့ မေတ္တာကိုစော်ကား အမေ့ကို 
ရက်စက်စွာသတ် အမေ့ရင်ကိုခွဲ အသဲနှလုံးကိုထုတ် ချစ်သူကိုပေးဆက်ဖို့ 
လုပ်တဲ့ မိုက်မဲလှတဲ့ သားဆိုးသားမိုက်ရဲ့ လုပ်ရပ်မျိုး ဖြစ်နေခဲ့ရင် အားလုံး
အတွက် တသက်တာ ကြေကွဲစရာတွေ ဖြစ်နိုင်တာမို့ အချိန်မှီစဉ်းစား ပြင်ဆင်
နိုင်ကြပါစေ။)

(ပုံများကို အင်တာနက်ကယူပါတယ်။ Photos credit to Google Image and flicker.com)

လေ့လာစရာ ဆိုက်လေးတွေပါ။
http://www.burmariversnetwork.org/burmese/component/content/article/11/51.html

http://www.burmariversnetwork.org/burmese/    (English version လဲရှိပါတယ်)
http://www.dameffects.org/
http://www.hydroreform.org/
http://chamisa.freeshell.org/dam.htm
http://www.guardian.co.uk/world/2011/may/20/three-gorges-dam-china-warning
http://www.timesonline.co.uk/tol/news/world/article2537279.ece
http://chinadigitaltimes.net/2011/05/china-admits-three-gorges-dam-problems/

အမြဲတမ်း ငြိမ်းချမ်းကြပါစေ။

ဘ၀လှေ

ဘ၀ဆိုတာ…

ပင်လယ်ပြင်ထဲက

လှေငယ်တစ်စင်းဖြစ်လိမ့်မယ်။

တခါတရံတော့လည်း…

ပင်လယ်ရေစီးကြောင်းထဲမှာ

ငြိမ့်ညောင်းစွာနဲ့ရွက်လွှင့်

နေခြည်ကလဲပွင့်လို့…

လေပြေလေးကလဲမြူး

လှိုင်းကလေးတွေလဲဖြူးလို့

ကြည်နူးဖို့ကောင်းလိုက်ပုံများ…။

တခါတလေမှာတော့…

ပင်လယ်ကမူမမှန်

ဒေါမာန်တွေနဲ့ထကြွ

ကြောက်စရာ့ အသွင်သဏ္ဍာန်နဲ့

မုန်တိုင်းထန်တဲ့ရေပြင်မှာ

အရိုင်းဆန်တဲ့လှိုင်းလုံးတွေက

လှေငယ်ကိုတစစီဖြစ်ရအောင်

ဦးထောင်ကာပဲ့စိုက်

ကိုင်ကာရိုက်လိုက်သလို…။

ဘ၀ဆိုတာ…

ပြုံးတခါ ပျော်တလှည့်

ငိုတလှည့် ရယ်တခါ

လမ်းပြေမှာ သက်သာလည်း

လမ်းဆိုးလည်း လျှောက်ရမှာ

မငြင်းသာတဲ့ ကံတရား

လောကဓံတွေကြားမှာ

လူသားမှန်ရင်ဖြင့်

အားမာန်ကိုတင်း

လှေငယ်တစ်စင်းနဲ့

ပင်လယ်တွင်းမှာ စွန့်စားခြင်းပေါ့…။

အမြဲတမ်း ငြိမ်းချမ်းကြပါစေ။

B – L – O – G – G – E – R

အခုတလော ရွာထဲမှာ တက်(တဂ်)စာတွေက ရာသီစာဖြစ်နေတယ်ထင်ပါ့။ ဟိုလူလဲတဂ် ဒီလူလဲတဂ်နဲ့ ရာသီစာလေးတွေကို အရသာအမျိုးမျိုးနဲ့ မရိုးရအောင် ချက်ကြပြုတ်ကြတာတွေ အိမ်တကာလည်စားရင်း ကိုယ့်အိမ်ကတဂ်စာကို စားတဲ့အလှည့် မရောက်နိုင်ဖြစ်နေတယ်။ ရာသီစာဆိုတာကလည်း လူတိုင်းလို နှစ်သက်တတ်ကြတာဆိုတော့ တက်ချင်လည်းတက် ရာသီစာလေးကို နည်းနည်းဖြစ်ဖြစ်တော့ မလွတ်တမ်းလေး မြည်းချင်ကြသေးတာပဲကိုး။ အခုပေါ်တဲ့ ရာသီစာကလည်း ဘလော့ဂ်နဲ့ ပတ်သက်တာတွေ ပေါ်တဲ့အချိန်မို့ထင်ပါရဲ့ အခုပဲ ဘလော့ဂ်ဒေးလိုက်ရ တော်ကြာနေ ဘလော့ဂါလိုက်ရနဲ့ဆိုတော့… အင်း.. ပြောလို့မရဘူး.. နောက်ဆက်ပြီး ဘလော့ဘာညာတွေ ထပ်ပေါ်ချင် ပေါ်လာနိုင်သေးတယ်။ လူလည်း ဘလော့ဂ်တကာလည်ပြီး ဘလော့ဂ်ဒေးတက်စာတွေ ဘလော့ဂါတက်စာတွေ လိုက်လည်စားတာ များသွားလို့လားမသိ ပြီးခဲ့တဲ့အပတ်ထဲ ခေါင်းတွေကိုက် ဇက်ကြောတွေတက် နောက်ကြောတွေတက်ဖြစ်ပြီး အပေါ်ရောအောက်ရော သွေးပေါင်ချိန်တွေပါတက်လို့ နှစ်ရက်သုံးရက်လောက် ဘလော့ဂ်မလည်နိုင် ဖြစ်သွားသေးတယ်။ နောက်ဆက်ပြီးတော့လဲ ဘလော့ဂ်ရွာထဲ အလည်လွန်လို့ မျက်စေ့ပါဝါရော အရိုးကျည်းပေါင်းပါတက်နိုင်တဲ့ အလားအလာတွေလည်း ကြိုမြင်ထားသေးတယ်။ အသက်တွေကလည်း စကားပြောလာပြီကိုး။ ဒါပေမယ့်လည်း အခုလောလောဆယ်တော့ ဘာပဲဖြစ်ဖြစ် တက်ချင်ရာတက် အရေးကြီးတာက လောလောဆယ် ကိုယ့်ကိုတဂ်ထားတဲ့ ဘလော့ဂါတဂ်ပို့စ်ကို အကြွေးမတင်ဖို့က ပိုအရေးကြီးတယ်ဆိုတော့ ရာသီစာလေးကို တစ်မျိုးတစ်ဖုံလေးချက်လို့ တဂ်စာစားဖို့ ပြင်ရပြန်တာပေါ့။

တဂ်တဲ့သူတွေက တဂ်ကြလို့သာ ကိုယ့်ဟာကိုယ်တော့ အခုအချိန်ထိ ဘလော့ဂါ တစ်ယောက်ပါလို့ ဘယ်လိုမှကို မြင်လို့မရသေးဘူး။ အရင်တုန်းကလိုပဲ ဘလော့ဂ်တွေလျှောက်သွားပြီး စာတွေဖတ်နေရတာကြိုက်တဲ့ ဘလော့ဂ်ရီဒါတစ်ယောက် အနေနဲ့ပဲ မြင်နေတုန်း။ စာမရေးပဲ ဘလော့ဂ်တကာလည်ပြီး စာတွေ လိုက်လိုက်ဖတ်နေရတာကိုပဲ ကြိုက်နှစ်သက်တုန်း။ ဘလော့ဂ်တွေ တစ်ခုကနေ တစ်ခုကူးပြီး တိတ်တိတ်ဆိတ်ဆိတ်လေး ကိုယ့်ဖီလင်နဲ့ကိုယ် စာလေးတွေလိုက်ဖတ် ဖတ်ပြီးတဲ့အပေါ်မှာ ကိုယ့်စိတ်ကူးလေးနဲ့ကိုယ် ပြန်ပြီးခံစား ပြီးရင် အဲဒီခံစားချက် စိတ်ကူးလေးတွေပိုက်ပြီး တိတ်တိတ်လေးပဲ အသံမပေးဘာမပေး ပြန်လာချင်နေတုန်း။ စာရေးဖို့အတွက်စဉ်းစားရင် ကိုယ့်ဘလော့ဂ် Feed Roll မှာ ပို့စ်အသစ်တွေတက်နေပြီး သွားမဖတ်ဖြစ်နိုင်သေးတဲ့ ဘလော့ဂ်စာရင်းတွေကိုပဲ မျက်စေ့ထဲမြင်နေတုန်း။ ကြာလာတော့ ဖတ်စရာတွေလည်းပုံ ရေးစရာတွေလည်းပုံပြီး တနေ့တခြား အကြွေးတွေ တစ်ပုံတစ်ခေါင်းတင်နေသလို ဖြစ်နေပါရောလား။ ဒီတော့ ရေးစရာအကြွေးလေး တစ်ခုလောက်တော့ ဆပ်နိုင်အောင် တဂ်စာလေးနဲ့ပဲ စလိုက်တာ ကောင်းမယ်ထင်ပါရဲ့။

အင်္ဂလိပ်လို ဘလော့ဂါဆိုတဲ့ စာလုံးပေါင်းကိုမြင်တိုင်း သတိရမိတာ တစ်ခုရှိတယ်။ လွန်ခဲ့တဲ့လေးငါးနှစ်က အလယ်တန်းကလေးတွေကို အိုင်တီ သင်ခန်းစာတွေ သင်ခဲ့ရတုန်းက သူတို့သင်ရတဲ့အထဲမှာ ၀က်ဘ်ဆိုဒ်တွေ ပြုလုပ်ပုံအကြောင်းပါတော့ သူတို့လေးတွေကို ၀က်ဘ်ဆိုဒ် အမျိုးမျိုးတွေအကြောင်း ပြောပြရင်းနဲ့ ပါစင်နယ် ၀က်ဘ်ဆိုဒ်တွေအဖြစ် ဘလော့ဂ်တွေအကြောင်းလည်း နည်းနည်းပါးပါး ရှင်းပြနေတုန်း ကိုယ်ရှင်းလို့မပြီးခင်မှာ ကလေးတစ်ယောက်ကထပြီး Blogger ဆိုတဲ့စာလုံးကို မေးပုံက “ဆရာမ ဘလိုဂျာ ဆိုတာဘာလဲ” တဲ့။  အခုလဲ “ဘလော့ဂါဆိုတာ ဘာလဲ” ဆိုပြီးတဂ်တော့ အဲဒီကလေးမေးခဲ့တာကို ပြန်ပြီးသတိရမိသွားတယ်။ ကဲ အဲဒီတော့လည်း ဘလိုဂျာ ဆိုတာကြီးကို ရှင်းပြရအုံးမှာပေါ့လေ...း)

ဘလော့ဂါဆိုတာ ဖြစ်လာဖို့အတွက် အရေးအကြီးဆုံး လိုအပ်ချက်က ဘလော့ဂ်စာမျက်နှာပါ ဆိုတာတော့ ပြောစရာလိုတော့မယ် မထင်ဘူး။ ဘလော့ဂါရဲ့ အခြေခံအကြောင်းတရားဖြစ်တဲ့ ဘလော့ဂ်စာမျက်နှာများနဲ့ ပတ်သက်ပြီး ပြောရမယ်ဆိုရင်တော့ ဘလော့ဂ်ဆိုတာ အင်တာနက် ကွန်ယက်အတွင်းက ပုဂ္ဂလိကပိုင် ဂျာနယ်လို့ဆိုပါတယ်။ အဲဒီဂျာနယ်ထဲမှာ နေ့စဉ်ဘ၀မှာ တွေ့ကြုံရတဲ့ ဖြစ်စဉ်တွေ အတွေ့အကြုံတွေကို မှတ်တမ်းတင်ရာ၊ အဲဒီအဖြစ်အပျက် အတွေ့အကြုံတွေပေါ်မူတည်ပြီး ခံစားရတဲ့ ခံစားချက်တွေ အတွေးအမြင်တွေ အဲဒီဖြစ်စဉ်တွေရဲ့ ရောင်ပြန်ဟပ်မှုတွေကို ပုဂ္ဂလိက ခံစားမှုပေါ်မူတည်ပြီး ရေးသားမှတ်တမ်းတင်ထားတဲ့ အကြောင်းအရာတွေကို တွေ့နိုင်တယ်လို့ဆိုထားပါတယ်။ ကွန်ယက်ထဲက ကိုယ်ရေးမှတ်တမ်း စာအုပ်တစ်အုပ်လို့ ပြောနိုင်ပါတယ်တဲ့။ နည်းပညာ အသုံးအနှုန်းအနေနဲ့ အဲဒီမှတ်တမ်းစာအုပ်ကို ဘလော့ဂ်လို့ခေါ်ပြီး အဲဒီစာအုပ်ထဲ မှတ်တမ်းရေးသွင်းခြင်းကို ဘလော့ဂင်းလို့ ခေါ်ကြောင်း မှတ်တမ်းကို ရေးသားသူကိုတော့ ဘလော့ဂါလို့ အမည်သညာ သတ်မှတ်ကြောင်း သိရပါတယ်။ လွယ်လွယ်ပြောရင် ဘလော့ဂ်မှာ ဘလော့ဂင်းလုပ်သူဟာ ဘလော့ဂါပေါ့။ အရှင်းဆုံး အဓိပ္ပါယ် သတ်မှတ်ချက်ပါပဲ။

ဒါပေမယ့်လည်း ကိုယ်တိုင်ဖွင့်ဆိုစေချင်လို့ တဂ်ကြသူများနဲ့ အမြင်အမျိုးမျိုး ရှုထောင့်အမျိုးမျိုးကနေ အသီးသီး အသက အဓိပ္ပါယ် ဖွင့်ဆိုထားကြတာတွေ ဖတ်ရတာ အားရစရာကောင်းလှသလို ဘလော့ဂါဆိုတဲ့ လူသားကို ပိုမိုပြီး ရုပ်လုံးကြွလာအောင် ဆလိုက်မီးမျိုးစုံနဲ့ မီးမောင်းထိုးပြနေကြသလိုပါပဲ။ မျက်စေ့ထဲမှာ ဘလော့ဂါဆိုတာကို ကွင်းကွင်းကွက်ကွက် မြင်ယောင်လာစေပါတယ်။ အဲဒါကြောင့် ကိုယ်လည်း ဘလော့ဂါကို ရုပ်လုံးကြွစေဖို့ တထောင့်တနေရာကနေ ဆလိုက်မီး သေးသေးလေးတစ်လုံးလောက်နဲ့ ၀င်ပြီးအလှဆင်လိုက်ပါတယ်။ တွေးမိသမျှ ဘလော့ဂါဆိုတာရဲ့ အဓိပ္ပါယ်သတ်မှတ်ချက်ကို ဘလော့ဂါစာလုံးပေါင်းက စာတစ်လုံးချင်းစီလေးတွေကိုပဲ ကိုးကားလို့ အဓိပ္ပါယ်ဖွင့်ဆိုချင်ပါတယ်။

B     : Broad-minded 

ဘလော့ဂ်တစ်ခုပေါ်မှာ စာတွေရေးနေတဲ့လူတစ်ယောက်အနေနဲ့ အသိပညာ ဗဟုသုတတွေ ကြွယ်ဝဖို့ စူးစမ်း လေ့လာတတ်မှုနဲ့ အတွေးအမြင်တွေ ကျယ်ပြန့်ဖို့ အနည်းနဲ့အများတော့ လိုအပ်ပါလိမ့်မယ်။ အကြောင်းအရာတိုင်းကို တဖက်သတ်အမြင်မဟုတ်ပဲ မတူညီတဲ့ ရှုထောင့်များကနေလည်း ကြည့်တတ်မြင်တတ်ပြီး ကျယ်ကျယ်ပြန့်ပြန့် လေ့လာဆည်းပူးတတ်ဖို့ဆိုတာ ဘလော့ဂါတစ်ဦးအတွက် ရှိသင့်တဲ့လိုအပ်ချက်လို့ ထင်ပါတယ်။

L      : Liberal

လွတ်လပ်ပွင့်လင်းတဲ့စိတ်ထား၊ ကွဲပြားတဲ့ အယူအဆများအပေါ် သဘောပေါက်လက်ခံနိုင်ခြင်း၊ သဘောထားကြီးမှု၊ သည်းခံခြင်းတရားနဲ့၊ မျှတတဲ့အမြင်မျိုးဟာလည်း ဘလော့ဂါတိုင်းမှာ ရှိအပ်တဲ့ အရည်အချင်း  တစ်ခုပဲဖြစ်မှာပါ။

O     : Openhearted

ဘလော့ရွာထဲမှာရှိကြတဲ့ ဘလော့ဂါတွေမှာ နားလည်စာနာတတ်မှုနဲ့ ကူညီယိုင်းပင်းတတ်မှုက ပြောစရာမလိုလောက်အောင်ကို ပြည့်စုံကြပြီးသားပါ။

G     : Good-natured

မမြင်ဖူးမတွေ့ဖူးကြသော်လည်း ရွှင်ပျတဲ့စိတ်ထားနဲ့ ခင်မင်နှစ်လိုဖွယ်ရာကောင်းပြီး ရင်းနှီးဖေါ်ရွေတတ်ကြတာလည်း ဘလော့ဂါများပါပဲ။

G     : Generous

ကိုယ့်ရဲ့အသိပညာ အတတ်ပညာ အတွေ့အကြုံ ခံစားချက်များကို ဘာအကျိုးအမြတ်ကိုမှ မမျှော်လင့်ပဲ ကိုယ့်ရဲ့ စိတ်အား လူအား ဉာဏ်စွမ်းအားတွေစိုက်ထုတ်လို့ စားချိန်အိပ်ချိန်တွေတင်မက ကိုယ်ပိုင်အားလပ်ချိန်များကိုပါ ရင်းပြီး ဘလော့ဂ်ပေါ်မှာ ရက်ရောစွာ စေတနာ သဒ္ဓါတရားထက်သန်စွာနဲ့ ရေးသားမျှဝေပေးနေတာ ဘလော့ဂါများပါ။

E     : Enlightened

ကိုယ်သိသလောက် တတ်သလောက် နားလည်ခံစားမိသလောက်ကို အခြားသူများထံ ဘလော့ဂ်တွေပေါ်ကနေ အခမဲ့မျှဝေလို့ ကိုယ်ဝါသနာပါရာ စာရေးသားခြင်းအမှုနဲ့ ကိုယ့်ပတ်ဝန်းကျင်အကျိုး လောကအကျိုးကို တတ်နိုင်သလောက် ဖြည့်ဆည်း အလင်းဆောင်ပေးနေကြသူများကို ဘလော့ဂါတွေလို့ ခေါ်ဆိုသင့်ပါတယ်။

R     : Rational

ဆင်ခြင်တုံတရားကို အခြေခံလို့ ကျိုးကြောင်းဆက်စပ် ဝေဖန်စဉ်းစား တွေးတောတတ်တဲ့ ဉာဏ်ပညာ အမြော်အမြင်များနဲ့ လောကကြီးကို ကိုယ်နှစ်သက်ရာ ရှုထောင့်အမျိုးမျိုးကနေ ရှုမြင်သုံးသပ်ရင်း မြင် တွေ့ သိရှိ ခံစားရသမျှတွေကို ဘလော့ဂ်စာမျက်နှာများပေါ်မှာ ရေးသားရင်း စာဖတ်သူများနဲ့အတူ ဝေမျှခံစားတတ်ကြသူများဟာ ဘလော့ဂါဆိုသူများပါပဲ။

အားလုံးကိုခြုံငုံလို့ အကျဉ်းချုပ်ဆိုရရင်တော့ BLOGGER ဆိုတာ “ကျယ်ပြန့်တဲ့အတွေးအခေါ်များနဲ့ လွတ်လပ်ပွင့်လင်း ကူညီယိုင်းပင်းတတ်တဲ့စိတ်ကို အခြေခံပြီး ခင်မင်ဖွယ်ရာ စိတ်ရင်း စေတနာများနဲ့ မိမိကိုယ်တိုင် မြင် တွေ့ သိရှိ ခံစား လေ့လာ တတ်မြောက်မှုများကို ဘလော့ဂ်စာမျက်နှာများပေါ်မှာ ရေးသားလို့ အခမဲ့ဝေမျှပေးနေကြသူ” စာရေးစာဖတ် ၀ါသနာပါကြတဲ့ သာမာန်ထက် ဘာမှမထူးခြားတဲ့ သာမာန်လူတွေထဲက လူသားများသာ ဖြစ်ကြောင်းပါ။

(ဒီလောက်ဆို တဂ်ထားကြသူများ ကျေနပ်ကြမယ်ထင်ပါတယ်။ ဦးဦးဖျားဖျားတဂ်ထားတဲ့ မင်းဧရာနဲ့ စာဖတ်သူများအားလုံးကို စေတနာရှေ့ထားပြီးတဂ်တဲ့ အိပ်ယာနဲ့ မဒမ်ကိုးတို့ကို ကျေးဇူးပါ။)

အမြဲတမ်း ငြိမ်းချမ်းကြပါစေ။

သူမရှိတော့ရင်… (ကိုယ့်ဖာသာကိုယ် တဂ်တဲ့ပို့စ်)

လွန်ခဲ့တဲ့ တစ်လလောက်က မယ်ကိုးရဲ့ ဘလော့ဂ်လေးမှာ “ရေစီးဖြင့်ထုံးချည်ခြင်း” ဆိုတဲ့ ပို့စ်လေးကို သွားဖတ်ပြီး စိတ်ထဲမှာ အတော်လေး ဖီးလ်ဖြစ်သွားတယ်ပြောရမလားပဲ။ ဖတ်ပြီးပြီးချင်းပဲ ရင်ထဲကနေ ကဗျာတပိုင်းတစလေး ထွက်ကျလာခဲ့တယ်။ ဒါပေမယ့် ကဗျာက ဟိုတစ သည်တစလေး ဖြစ်နေပြီး စိတ်တိုင်းကျ ဆက်ရေးလို့မရဖြစ်နေတုန်း ချော ငွေလမင်းနဲ့ မလေး(အိမ့်ချမ်းမြေ့) တို့ရေးတဲ့ ပို့စ်လေးတွေ ဆက်တိုက်တက်လာပြီး သွားဖတ်ဖြစ်တဲ့အချိန်မှာ စိတ်ထဲကနေ အလိုလိုနေရင်း ကိုယ့်ဖာသာကိုယ် တဂ်လိုက်မိတယ်။ ဒီတပိုင်းတစဖြစ်နေတဲ့ ကဗျာလေးကို ဆက်ရေးဖို့ပေါ့။ အဲဒီလို ဆက်ရေးဖို့သာဆိုတယ် တကယ်ရေးဖို့ ကြိုးစားလိုက်ရင် ကဗျာက ဟိုတစ်ပိုဒ် သည်တစ်ပိုဒ်နဲ့ စိတ်ထဲကခံစားချက်ကို အဆက်အစပ်ရှိရှိ ပုံဖေါ်လို့မရနိုင် ဖြစ်နေခဲ့တာ အတော်လေးကြာလာတော့ ကိုယ့်ဟာကိုယ်စိတ်ထဲမှာ အဲဒီကိစ္စက အလိုလို အကြွေးတင်နေသလို ခံစားလာရတယ်။ တခြားရေးစရာ အကြောင်းအရာတွေကို စဉ်းစားလိုက်တိုင်းလည်း တစ်ကြောင်းနှစ်ကြောင်း စရေးလိုက်ပြီးရင် ဒီအကြွေးပဲ ခေါင်းထဲရောက်ရောက်လာပြီး တခြားအကြောင်းအရာကို ဖြောင့်အောင် ဆက်ရေးလို့မရနိုင် ဖြစ်နေခဲ့တယ်။ ခမာပြည် အကြောင်းလေးတွေလည်း ဆက်ရေးဖို့ကြိုးစားကြည့်သေးတယ်။ တစ်ကြောင်းနှစ်ကြောင်းလောက် အစပျိုးပြီးရင် ဒီကဗျာပဲ စိတ်ထဲရောက်လာပြန်ရော။ အဲဒီတော့ ရေးလက်စစာကို ဆက်ရေးလို့မရတော့ပြန်ဘူး။ အဲတာနဲ့ ကဗျာကိုပဲအရင် လက်စသတ်ဖို့ ကြိုးစားတုန်းမှာ ဘလော့ဂ်ဒေးက ကြားဖြတ်ဝင်လာတော့ ဘလော့ဂ်ဒေးပို့စ်ကို မနည်းအချိန်မှီအောင် ဦးစားပေးပြီး ကြိုးစားရေးလိုက်ရတယ်။ ဒါပေမယ့် အဲဒီကဗျာအကြွေးက ဘယ်သွားသွား ဘာပဲလုပ်လုပ် ခေါင်းထဲမှာ တချိန်လုံးရောက်နေတာ။ စားမဖြောင့် သွားမဖြောင့်နဲ့ ဖြစ်နေရော… ဒီကြားထဲ အလုပ်ကလည်း သိပ်မအား၊ အချိန်ကလည်းမရ၊ ကဗျာရေးချင်တဲ့စိတ်ကလည်း တချိန်လုံးခေါင်းထဲမှာ၊ ကဗျာလေးကလည်း စိတ်ကူးရရင် ရေးကြည့်လိုက် စိတ်တိုင်းမကျလိုက် ပြန်ဖျက်လိုက် ပြန်ပြင်ရေးလိုက်နဲ့ သံသရာလည်နေပြီး စိတ်ကူးနဲ့ ခံစားချက်ကို ပီပီပြင်ပြင် ဆက်စပ်လို့ မရနိုင်ပဲဖြစ်နေတာ အတော်လေးကြာတယ်။ ရင်ထဲက ခံစားမှုကို စကားလုံးနဲ့ ဖလှယ်ပြီး ပုံဖေါ်လို့မရဖြစ်နေခဲ့တာ။ အဲဒီလိုနဲ့ လွန်ခဲ့တဲ့ လေးငါးရက်လောက်ကမှ ညနေဖက် ကိစ္စတစ်ခုနဲ့ အပြင်သွားတုန်း လမ်းမှာသွားနေရင်းကနေ အတွေးထဲမှာ စကားလုံးတစ်ချို့ ထွက်ကျလာခဲ့တယ်။ အဲဒါလေးတွေကို ရသလောက် အမိအရဖမ်းဆုပ်ထားပြီး အိမ်ပြန်ရောက်တဲ့အချိန်ကျမှ ကဗျာကို စောစောကရထားတဲ့ အတွေးနဲ့ စိတ်ထဲက ခံစားချက်တွေနဲ့ တစ်စစီ ပြန်ဆက်စပ်ယူပြီးမှ တပိုင်းစီ နည်းနည်းချင်း ပြန်စရေးဖြစ်ခဲ့တာ။ ဒီတစ်ပတ်လုံး အဲဒီကဗျာပြီးဖို့ နပမ်းလုံးနေခဲ့ရတယ်။ နဂိုတုံးက ပျိုးထားခဲ့တဲ့ပုံစံနဲ့ နေရာအတော်များများမှာ နည်းနည်းစီလွဲသွားပေမယ့် အခုရေးဖြစ်တဲ့ဟာလေးကို ပိုသဘောကျမိပါတယ်။ ဒီကဗျာကတော့ စံချိန်တင်ပါပဲ။ တစ်လလောက်ကို အချိန်ယူပြီး ရေးခဲ့ရတယ်။ ဒီအသက်အရွယ်ထိ တခါမှ စာတစ်ပုဒ်ကို အဲဒီလောက် အချိန်ပေးပြီး မရေးဖူးခဲ့ဖူးသေးဘူး။ ကဲ ကိုယ့်ဖာသာကိုယ် တဂ်ပြီး ကိုယ့်ဟာကိုယ်ပဲ အကြွေးတင်နေခဲ့တဲ့ အကြွေးဆပ်ပို့စ်ကလေးကို အခုတော့ တကယ်တင်ဖြစ်သွားပါပြီနော်။ ဒါပြီးရင်တော့ နောက်ထပ်ဆပ်စရာ အကြွေးလေးတွေ ဆက်လာအုံးမှာပေါ့… လာမယ် ကြာမယ်ပို့စ်လေးတွေကို နည်းနည်းတော့ သည်းခံပြီး စောင့်ဖတ်ပေးကြပါလို့…း))

သူမရှိတော့ရင်…

သူမဟာ…

အမိ အဖနှစ်ဖြာ ရင်နှစ်မွှာကြားက

နှလုံးသွေးများပေါင်းစပ်လို့ ဖြစ်တည်လာတဲ့

ရင်နှစ်သည်းချာ သမီးအလှကညာ

အဖိုးတန်လှတဲ့ ရတနာ…

သူမဟာ…

ဒီမြေမှာ မွေးဖွားခဲ့တဲ့ ဒီမြေရဲ့ အလှတရား

ကြီးမြတ်သောဂုဏ်သတင်းများနဲ့

သမိုင်းကြောင်းများစွာကို ထုဆစ်

သက္ကရာဇ်တွေကို တည်ငြိမ်မှုတွေနဲ့

ငြိမ့်ငြောင်းလှပစွာ ဖြတ်သန်းလာခဲ့သူ

ရာဇ၀င်ပေါင်းများစွာတို့ရဲ့ အရှင်သခင်…။

သူမဟာ…

ရာစုနှစ်တွေထဲက နေမ၀င်ဘုရင်မတစ်ပါး

ဒီမြေရဲ့ထိပ်ထား ဧကရီမဖုရား…

သူမရဲ့ ရင်ခွင်ဟာ…

အလှအပတရားတို့ ပေါင်းဆုံရာ...

ဒီမြေရဲ့အကြေအညာကို စုန်ဆန်လူးလာ

ခရီးသွားကြသူများအတွက် အားထားရာ...

ဒီမြေတလွှား ရောင်းဝယ်ဖေါက်ကား

ကုန်သည်အများတို့ရဲ့ ၀န်စည်စလှယ်တွေစီးဆင်းရာ...

ဒီမြေရဲ့ကုန်း၊ရေ၊လေမှာကျက်စား

သတ္တ၀ါအများတို့ရဲ့ ခိုနားရာ...

ဒီမြေမှာ ဆန်ရေစပါး သီးနှံများစွာ

ကြွယ်ဝစေရာ ပင်မအရင်းအမြစ်...

ဒီမြေ ဒီဒေသနဲ့ ဂေဟစနစ်တို့

အပြန်အလှန်တည်မှီလို့ ညီညွတ်မျှတရာ...

သူမဟာ…

ဒီမြေမှာမွေးဖွားခဲ့ကြတဲ့

ဘ၀ပေါင်းများစွာတို့ရဲ့ အသက်သခင်...

ဒီမြေပေါ်မှာ သူမရဲ့ရင်ခွင်ကိုမှီပြီး

ဖြစ်တည်လာခဲ့ရတဲ့ မြို့ပြနိုင်ငံတော်ကြီးများ

သမိုင်းစဉ်တစ်လျှောက်မှာ ပေါ်ပေါက်ထွန်းကားခဲ့ရာ...

ဒီမြေရဲ့ယဉ်ကျေးမှုများ ရှင်သန်ဖွံ့ဖြိုးခဲ့ရာ...

ဒီမြေရဲ့သမိုင်းကြောင်းများ အထင်အရှားဖြတ်သန်းခဲ့ရာ...

သူမဆိုတာ ဒီမြေမဟာရဲ့ နှလုံးသွေးကြော… ။

အခုတော့…

သူမရဲ့တည်ငြိမ်တဲ့အလှတွေ

သူမရဲ့ကြီးကျယ်ခမ်းနားမှုတွေ

သူမရဲ့ထင်ရှားကျော်ကြားမှုတွေ

သူမ ဖြတ်သန်းခဲ့ရတဲ့သမိုင်းကြောင်းတွေ

သူမ စွမ်းဆောင်ခဲ့တဲ့ပေးဆပ်ခြင်းတွေ

အရာရာဟာ ပြီးဆုံးခြင်းကိုတိုင်ခဲ့လေပြီလား…

ကြေကွဲခြင်းတွေများစွာနဲ့ နှုတ်ဆက်ခွဲခွာရတော့မယ့်

သူမရဲ့ကျဆုံးချိန်တွေက တဖြည်းဖြည်းနီးကပ်လို့

သူမရဲ့ရာဇ၀င်တွေကို တခန်းရပ်ဖို့

မကြာခင်မှာ ဆုံးပါးသွားရတော့မယ့်

သူမရဲ့အသွေးအသားတွေက လုံးပါးပါးရင်းနဲ့

တနေ့တခြား ခမ်းခြောက်လို့လာနေခဲ့ပြီလား…။

သူမရဲ့ ကျဆုံးခြင်းဟာ

တို့သမိုင်းတွေ ပျောက်ဆုံးခြင်း…

သူမကို ဆုံးရှုံးခြင်းဟာ

တို့ဘ၀တွေ ပျက်စီးခြင်း…

သူမရဲ့ သေဆုံးခြင်းဟာ

တို့အနာဂတ်တွေ ပျက်သုဉ်းခြင်း…။

မြောက်ဘက်စွန်းက တောင်တန်းကြီးတွေ လွမ်းဆွေးနေကြမလား…

ကွယ်ပျောက်သွားရတော့မယ့် ညီနောင်တောင်တန်းများအတွက်…။

အမြဲစိမ်းတောတွေ ကြေကွဲနေကြမလား…

ပြန်လည်မရနိုင်တော့မယ့် စိမ်းလန်းခြင်းတွေအတွက်…။

မြေနုကျွန်းတွေ ၀မ်းနည်းနေကြမလား…

ဖြစ်ထွန်းမလာတော့မယ့် ကောက်ပဲသီးနှံများအတွက်…။

ဒေသခံတွေ ငိုကြွေးနေကြမလား…

ဆုံးရှုံးသွားရတော့မယ့် ဇာတိမြေများအတွက်…။

သူမရှိတော့ရင်ဖြင့်…

လင်းပိုင်လေးတွေဘ၀ ဇာတ်သိမ်းမလှ ဖြစ်ရရှာတော့မယ်။

သူမရှိတော့ရင်ဖြင့်…

ဂေဟစနစ်တွေပျက်သုဉ်း သတ္တ၀ါတွေ မျိုးတုံးကုန်ကြတော့မယ်။

သူမရှိတော့ရင်ဖြင့်…

တံငါတွေ လူလုံးမလှ အလုပ်အကိုင်မဲ့ဘ၀ ရောက်ကြရတော့မယ်။

သူမရှိတော့ရင်ဖြင့်…

လယ်ယာမြေများလည်း ပျောက်ဆုံး သီးနှံများလည်းတုံးကြတော့မယ်။

သူမရှိတော့ရင်ဖြင့်…

ဒီရေတောများလည်းဆုံးရှုံး ကုန်းခေါင်ခေါင်တွေ မျက်စေ့တဆုံးဖြစ်ရတော့မယ်။

သူမရှိတော့ရင်ဖြင့်…

မြစ်ကြီးနားမြို့ဟာ အမည်သစ်တစ်ခုကိုပြောင်းရပေလိမ့်မယ်။

သူမရှိတော့ရင်ဖြင့်…

ကျောက်မြောင်းက ရာဝင်အိုးတွေခမျာ အကြေအညာသွားဖို့ ခက်ရှာပေလိမ့်မယ်။

သူမရှိတော့ရင်ဖြင့်…

ပုဂံဘုရားများနဲ့ အင်းဝတံတားလည်း အထီးကျန်သွားကြပေလိမ့်မယ်။

သူမရှိတော့ရင်ဖြင့်…

မင်းကွန်းနဲ့ ဂေါဝိန်ကို တရှိန်ရှိန်တောက်နေတဲ့ တံလျှပ်တွေအကြား

သဲချောင်းပြင်ကန္တာရတလွှားမှာ ခြေကျင်လျှောက်ကူးသွားရပေလိမ့်မယ်။

သူမဟာ…

ဒီမြေရဲ့အသက်

ဒီမြေရဲ့နှလုံးသား

ဒီမြေရဲ့အသွေးအသား…

သူမရှိတော့ရင်ဖြင့်…

ဒီမြေဟာ ရှင်သန်မှုတွေပျောက်ဆုံးလို့

အနာဂတ်မှာ ဆက်လက်ရပ်တည်နိုင်ပါအုံးတော့မလား… … ။        ။

အမြဲတမ်း ငြိမ်းချမ်းကြပါစေ။

Happy BLOG Day!!!

ဘလော့ဂ်ဆိုတာကို အရင်တုန်းကတည်းကသိပေမဲ့ ဘလော့ဂ်ဒေး ရှိမှန်းကိုတော့ မသိခဲ့ပါဘူး။ ဘလော့ဂ်ဒေးရဲ့ လိုဂိုလေးကို စပြီးတွေ့ဖူးတာ မနှစ်က ၂၀၁၀ ဘလော့ဂ်ဒေး တုန်းကမှပါ။
ဖေ့စ်ဘွတ်မှာ မန္တလေးက အိုင်တီသမားသူငယ်ချင်း ဓါတ်ပုံဂျာနယ်လစ် တစ်ယောက်က ၂၀၁၀ ဘလော့ဂ်ဒေးရဲ့ လိုဂိုပုံလေးကို ဝေါလ်ဖိုတိုအနေနဲ့ တင်ထားတာကို စပြီးတွေ့ဖူးခဲ့တာပေါ့။ ဘလော့ဂ်စာလုံးပေါင်းကို ‘3108’ ဆိုတာလေးနဲ့ ရေးထားတာကို အရမ်းသဘောကျမိသွားလို့ မှတ်မှတ်သားသား ဖြစ်သွားခဲ့တယ်လို့ဆိုရမယ် ထင်ပါတယ်။ အဲဒီတော့မှ သြဂုတ် ၃၁ ဟာ ဘလော့ဂ်ဒေးမှန်း စသိခဲ့ပါတယ်။ အဲဒီမှာ တလက်စတည်း သိရတာက ကမ္ဘာတ၀ှမ်းမှာ ဘလော့ဂ်ဒေးစတင်ခဲ့တာ ၂၀၀၆ ခုနှစ်ကတည်းကဖြစ်ပြီး ၂၀၁၀ ဘလော့ဂ်ဒေးဟာ ၅ကြိမ်မြောက်ရှိသွားပြီဆိုတာ သိခဲ့ရပါတယ်။ အဲဒါအပြင် မြန်မာပြည်  ရွှေမန္တလေးက ဘလော့ဂါများဟာ ၂၀၀၇ ခုနှစ် ဒုတိယအကြိမ် ဘလော့ဂ်ဒေးမှာကတည်းက တပျော်တပါး ခမ်းနားစွာ ကျင်းပခဲ့ကြတာကိုပါ သိခဲ့ရပါတယ်။ (မန္တလေးမှာ ဘလော့ဂ်ဒေး ကျင်းပခဲ့တဲ့ သတင်းမှတ်တမ်းကို ဒီမှာ  သွားရောက် ကြည့်ရှုနိုင်ပါတယ်။) အဲဒီတော့ အခုသြဂုတ် ၃၁ရက်နေ့မှာ ကျရောက်တဲ့ ၂၀၁၁ခုနှစ် ဘလော့ဂ်ဒေးဟာ ၆ကြိမ်မြောက်ရှိသွားပြီ ဖြစ်ပါတယ်။

အဲ.. ဒီနှစ်မှာတော့ အကြောင်းတွေတိုက်ဆိုင်ပြီး မအိမ်သူ တစ်ယောက် ဘလော့ဂ်ရွာထဲရောက် အိမ်တလုံးဆောက်ပြီး အခြေချဖြစ်သွားခဲ့လို့ ဘလော့ဂ်ရွာသူ တစ်ယောက် ဖြစ်သွားခဲ့ပြီ ဆိုတော့ ရွာထဲက သာရေး နာရေး ပွဲလမ်းသဘင်များမှာ ပါဝင်ဆင်နွဲရတော့မယ်ပေါ့။ ညီမငယ်နှစ်ယောက် ဖြစ်တဲ့ ရိုစ့်  နဲ့ အိန်ဂျယ်လှိုင်  တို့ကလည်း ဘလော့ဂ်ဒေး ပွဲတော်အတွက် မေတ္တာလက်မှတ်ကို အထူးတလည် တဂ်ပြီး လက်ဆောင်ပေးလာကြတဲ့အတွက် မအိမ်သူလည်း ပွဲတက်ဖို့ ပြင်ဆင်ရပါတော့တယ်။ (အကြောင်းအမျိုးမျိုးကြောင့် မအားတာနဲ့ ပွဲကိုနောက်ကျမှရောက်တာတော့ စိတ်မရှိကြပါနဲ့… :D)

အမှန်ဆိုရရင်တော့ မအိမ်သူ ဘလော့ဂ်ရွာထဲမှာ အိမ်မဆောက်ခင်ကတည်းက ရွာအနီးအနားမှာနေပြီး ဘလော့ဂ်ရွာတစ်ခွင် နေ့စဉ်နေ့တိုင်း ပြဲပြဲစင်အောင် ရွာရိုးကိုးပေါက်လျှောက်ကာ တအိမ်ဝင် တအိမ်ထွက် လေ့လာ ဖတ်ရှု မှတ်သားရင်း ရွာထဲမှာ တိတ်တိတ်ဆိတ်ဆိတ်လေး လမ်းသလားနေခဲ့တဲ့ ဧည့်သည်တစ်ယောက်အဖြစ် ၂နှစ်နီးပါးလောက် ရှိနေခဲ့ဖူးပါတယ်။ တစ်ရွာလုံးက လူတွေ အတော်များများကိုလည်း ကိုယ့်စိတ်ထဲမှာ အတော်ကြီးကို ရင်းနှီးခင်မင် အကျွမ်းတ၀င်နဲ့ အားလုံးကိုသိနေခဲ့ပါတယ်။ ကိုယ့်စိတ်ထဲက တရင်းတနှီး ခင်မင်နေတာကိုတော့ ကာယကံရှင်များက မသိနိုင်ကြပါဘူး။ အဲဒါက ဥပမာပြောရရင် ကိုယ်နှစ်သက်အားပေးတဲ့ နာမည်ကြီး မင်းသမီး မင်းသားကို သိကျွမ်း မိတ်ဆက် စကားပြောဖို့ မကြိုးစားပဲ အဝေးကနေ တိတ်တဆိတ် အားပေးနေတဲ့ ပရိသတ်တစ်ယောက် အဖြစ်မျိုးပါပဲ။

မြန်မာဘလော့ဂ်တွေကို စပြီးဖတ်ရှုဖြစ်ခဲ့တာကတော့

၂၀၀၉ နှစ်ဝက် လွန်ပြီးလောက်ကျမှပါ။ ဒီ့အရင်ကတော့ ကလေးငယ်သေးလို့ အချိန်မပေးနိုင်တာရယ် ကိုယ်လုပ်နေတဲ့ အချိန်ပိုင်းအလုပ်တဖက်နဲ့ မအားတာရယ် နောက် အိမ်မှာကလည်း လစဉ်မဟုတ်ပေမယ့် သုံးလေးလခြား ဆိုသလို မဟေသီ ရွှေအမြုတေနဲ့ လိုက်ဖ်စတိုင်လ် မဂ္ဂဇင်း စာအုပ်တွေကို ဆက်တိုက် ဖတ်ခွင့်ရနေခဲ့တာရယ်ကြောင့် ဖတ်စရာစာကို အင်တာနက်မှာ အထူးတလည် မရှာဖြစ်ခဲ့ပါဘူး။ အဓိကကျတဲ့ နောက်တခုကတော့ မအိမ်သူ စိတ်အစွဲပေါ့လေ စာဖတ်တယ်ဆိုရင် ကွန်ပျူတာစကရင်မှာ ဖတ်ရတာကို အားမရဖြစ်မိတာပါ။ Soft Copy ထက်ကို စာအုပ်ကိုင်ပြီးဖတ်ရတာမှ ပိုပြီးအားရပါးရရှိသလို ထင်မိတာကြောင့် စာအုပ်အမျိုးမျိုးတွေကိုပဲ ရှာပြီးရနိုင်သလောက် ဖတ်နေဖြစ်ခဲ့တာနဲ့ ဘလော့ဂ်တွေဘက်ကို ခြေဦးမလှည့်မိခဲ့ဘူး။ အင်တာနက်မှာတော့ ဧရာဝတီ မဇ္ဈိမ မိုးမခ စတဲ့

သတင်းဝက်ဘ်ဆိုက်တွေလောက်နဲ့ ပလန်းနက်၊ မြန်မာပီးပဲလ်မဂ္ဂဇင်း၊ မြန်မာကျူးပစ် တို့လောက်ကိုသာ တခါတလေ ကြုံတဲ့အခါလောက် ရောက်ဖြစ်ပြီး အနည်းအကျဉ်း ဖတ်ဖြစ်တာရယ် နောက် ရွှေစကားအီးဘွတ်ခ် ကနေ ဖတ်ချင်တဲ့ စာအုပ်လေးတွေ ဒေါင်းပြီးဖတ်တာမျိုးရယ်လောက်ပဲ ရှိခဲ့ပါတယ်။ ၂၀၀၉ လောက်မှာတော့ မဂ္ဂဇင်းတွေ အသစ်ထပ်မရနိုင်တော့ဘဲ တခြားဖတ်စရာ စာအုပ်တွေလည်း ကုန်သလောက်ဖြစ်လာတော့ စာဖတ်ရမှ နေသာထိုင်သာရှိတဲ့ မအိမ်သူလည်း စာငတ်စပြုလာပါတော့တယ်။ အဲဒီတော့မှပဲ စာမဖတ်ရမနေနိုင်တဲ့ ရောဂါနဲ့ အင်တာနက်ကို စမွှေဖြစ်ပြီးတော့ ဘလော့ဂ်တွေကို စဖတ်ဖြစ်သွားခဲ့တာပါ။

ပထမဦးဆုံး စဖတ်ဖြစ်တဲ့ ဘလော့ဂ်နှစ်ခုက ကောင်းကင်ပြာ  နဲ့ နိုင်းနိုင်းစနေ  ဘလော့ဂ်တွေပါ။ နိုင်းနိုင်းစနေရဲ့ စာတွေကတော့ ဘလော့ဂ်တွေ မဖတ်ခင်ကတည်းက Forward Mail တွေကနေ အမြဲတမ်းဖတ်နေခဲ့ရပါတယ်။ နောက်ဆက်တွဲ ရှာဖွေဖတ်ရှုမိတဲ့ ဘလော့ဂ်ကတော့ ကိုအောင်ရဲ့ ပျူနိုင်ငံ ပါပဲ။ အဲဒီလို စဖတ်ဖြစ်ခဲ့တဲ့အချိန် ကတည်းက ပျူနိုင်ငံဘလော့ဂ်ကို ပို့စ်အသစ်တင်တိုင်း သွားသွားဖတ်ဖြစ်ခဲ့တာ ဒီကနေ့အထိပေမယ့် ထူးထူးခြားခြား တစ်ကြိမ်ကလွဲလို့ တစ်ခါမှ ကွန်မန့်မရေးဖြစ်ခဲ့ပါဘူး။ ကွန်မန့်ရေးဖြစ်သွားရတဲ့ အကြောင်းကလဲ ပို့စ်အသစ်တင်တာတွေ့လို့

ဘလော့ဂ်ကိုဝင်လိုက်ရင် ပို့စ်မှာရေးထားသမျှ ဘာစာမှဖတ်လို့မရပဲ အီဂျစ်က ပိရမစ်တွေထဲမှာ တွေ့ရတတ်တဲ့ ရှေးဟောင်း အရုပ်စာတွေလိုသာပေါ်နေပြီး

ကွန်မန့်ကို ၀င်လိုက်တဲ့အခါကျတော့ ရေးလို့လဲရသလို ကွန်မန့်အားလုံးကိုလည်း ဖတ်လို့ရနေတာနဲ့ အဲဒီလိုဖြစ်နေကြောင်းကို ကွန်မန့်မှာ ရေးထားခဲ့မိတာပါ။ ကိုအောင်ကလဲ အဲဒီလိုရေးခဲ့တဲ့ ကွန်မန့်ကို သူ့ဖက်ကဖြစ်တာမဟုတ်ကြောင်းနဲ့ မအိမ်သူရဲ့ ကွန်ပျူတာ တခုခုဖြစ်နေလို့ ဖြစ်တာဖြစ်ပါလိမ့်မယ်လို့ ကွန်မန့်ပြန်ပေးခဲ့ပါတယ်။ အဲဒါဘာကြောင့်မှန်းမသိပေမယ့် အဲဒီအချိန်တုန်းက တခြားဘလော့တွေကိုဝင်သမျှ ဘာမှမဖြစ်ပဲ ပျူနိုင်ငံဘလော့ဂ် တစ်ခုတည်းကို ၀င်မှဖြစ်တာမို့ တကယ့်ကို မှတ်မှတ်ရရပါပဲ။ (သရဲအကြောင်း သွားဖတ်လို့ အင်တာနက်က သရဲခြောက်လိုက်တာနေမှာ..း P) နောက်၂ရက်လောက်နေတော့ သူ့အလိုလို ပြန်ကောင်းသွားပြီး ပို့စ်တွေအားလုံးကို ပြန်ဖတ်လို့ရသွားပါတယ်။း)

အဲဒီနောက်မှာ ပျူနိုင်ငံရဲ့ ဘလော့ဂ်လင့်တွေကတဆင့် ထပ်ရောက်သွားပြီး အမြဲတမ်းအားပေး ဖတ်ရှုဖြစ်ခဲ့တဲ့ ဘလော့ဂ်တွေကတော့ အတော်လေးစုံပါတယ်။ နိုင်ငံရေးဆိုဒ်တွေ အပါအ၀င် အခြားသော ဘလော့ဂ်တွေ အများကြီးပါပဲ။ အဲဒီမှာလဲ မှတ်မှတ်ရရ ပထမဦးဆုံး လင့်ကနေ ရောက်သွားဖြစ်တဲ့ဘလော့ဂ်က ကွယ်လွန်သွားပြီဖြစ်တဲ့ ကိုကြီးကျောက်ရဲ့ ရွှေရတုမှတ်တမ်း  ဘလော့ဂ်ပါ။ ရွှေရတုမှတ်တမ်းက အဲဒီတုန်းက ဘလော့ဂ်အသစ်ဖြစ်ပြီး စရေးတာ ရက်ပိုင်းပဲရှိသေးတဲ့ ဘလော့တစ်ခုပေါ့။ မှတ်မိသလောက် စဖတ်ဖြစ်တဲ့ပို့စ်က နယ်ဖက်မှာ ဖီးလ်ဆင်းတော့ ညဘက် အိမ်ခေါင်မိုးပေါ်က မှင်စာလေးလားမသိဘူး ဆင်းလာပြီး နှောင့်ယှက်တဲ့အကြောင်းကို ရေးထားတာ။

နောက်ထပ်တွေ့တဲ့ဘလော့ဂ်ကတော့ ရွှေသော့ပုံလေးနဲ့ ကိုဇော် ရဲ့ဘလော့ဂ်ပါပဲ။ သူ့ဘလော့ဂ်ကို စ၀င်ပြီး ဖတ်မိတဲ့အချိန်မှာ စာရေးသားပုံက သူလိုကိုယ်လိုမဟုတ်ပဲ နဲနဲထူးခြားတာကို သတိထားမိသလို ဒီစာရေးတဲ့သူက သူများနဲ့မတူတဲ့ အမြင် ရှုထောင့်မျိုးတွေကနေ တော်တော် မြင်တတ် တွေးတတ်ပြီး စာတွေလည်း အတော်ရေးနိုင်ပါလား ဆိုတာလဲတွေးမိပါတယ်။ အဲဒီတုန်းကများ တရက်ကို ပို့စ် ၂ပုဒ် ၃ပုဒ်တင်တာ ဖတ်တဲ့လူတောင် မှီအောင် မနည်းကြီးကို လိုက်ဖတ်ရပါတယ်။ ပြီးတော့ ပို့စ်တွေကလည်း အရှည်ကြီးတွေ ဖြစ်တဲ့အပြင် အကြောင်းအရာတွေကလည်း အတော့်ကိုစုံလင်ပါတယ်။ သူ့ဆိုက်မှာ ပို့စ်တပုဒ်ဆို ဆိုသလောက် အားပါးတရဖတ်ရတဲ့အပြင် ဖတ်ပြီးသွားရင်လည်း ပြီးပြီးရောမဟုတ်ပဲ ခေါင်းထဲမှာတွေးစရာ တခုခုပါ ကျန်တတ်ပါတယ်။ အဲဒီလိုဖတ်ရင်းကနေ ကိုဇော်ရဲ့ ဘလော့ဂ်က လင့်တွေလည်း အတော်စုံတော့ အလိုလိုနေရင်း အခြားဘလော့ဂ်တွေ အားလုံးကို သွားဖတ်ဖို့ ဟုမ်းပေ့ဂ်ျလို ဖြစ်သွားပါတယ်။ အဲဒါနဲ့ နေ့တိုင်းလိုလို ကိုဇော်ဘလော့ဂ်ကို အရင်ဆုံးဖွင့်ဖတ်ပြီးရင် တခြားဘလော့ဂ်တွေကို အဲဒီမှာရှိတဲ့ လင့်တွေကနေတဆင့် တခုပြီးတခု ကလစ်နှိပ်ပြီး သွားဖတ်ဖြစ်ခဲ့ပါတယ်။ အဲဒီလို ဖတ်လာခဲ့တာ “ဘလော့ဂါများရဲ့ပို့စ်များ” ဘလော့ဂ်ကို ကိုဇော်စလုပ်တဲ့အချိန်ထိပါပဲ။ အဲဒီကျတော့မှ ဘလော့ဂ်ဖတ်တဲ့ ဟုမ်းပေ့ဂ်ျပြောင်းသွားတာပါ။

အဲဒီလိုနဲ့ တောက်လျှောက် ဖတ်ခဲ့ဖူးတဲ့ ဘလော့ဂ်တွေက အတော်လေးစုံပါတယ်။ ဖတ်ဖြစ်ခဲ့တဲ့ ဘလော့ဂ် လက်ဟောင်းများကို မှတ်မိသလောက် ပြောရရင် မိုးချိုသင်း၊ မနော်ဟရီ၊ ဆရာမမေငြိမ်း၊ မကေ၊ သိင်္ဂီနွယ်၊ မယ်ကိုး၊ ကိုချစ်ဖေ၊ ကလူသစ်၊ ကိုလူထွေး၊ ညီလင်းဆက်၊ မန်းကိုကို၊ ဘလော့ဂါမောင်မိုး၊ ဏီလင်းညို၊ မြစ်ကျိုးအင်း (နာမည်က ထူးဆန်းလို့ ၀င်ကြည့်မိရာက စာအရေးကောင်းတဲ့ ဘလော့ဂ်တခုအဖြစ် အမြဲလို သွားဖတ်ဖြစ်သွားတယ်။ ပွဲဈေးတွေ ပွဲခင်းတွေ အငြိမ့်တွေ ဇာတ်စင်တွေအကြောင်း စိတ်ဝင်စားဖွယ် ဖတ်ရတာလဲ သဘောကျတယ်။ အ၀တ်လျှော်စက်ထဲက ပုရွက်ဆိတ်လေးတွေ ကမ္ဘာပျက်သွားတာတော့ အခုထိ မမေ့နိုင်သေးဘူး။)၊ မငယ်နိုင်၊ မခင်ဦးမေ၊ မသက်ဝေ (သာမန် ရိုးရိုးရှင်းရှင်း အကြောင်းလေးတွေကို မထင်မှတ်ထားတဲ့ ပုံစံမျိုးလေးနဲ့ ဖတ်တဲ့သူကို နစ်ဝင်သွားစေတဲ့ အက်ဆေးလေးတွေကို ဖွဲ့တတ်လို့ အမြဲသွားဖတ်ဖြစ်ခဲ့တာ)၊ မချစ်ကြည်အေး (စာလေးတွေဖတ်ရတာ ပေါ့ပေါ့ပါးပါး ရွှင်ရွှင်လန်းလန်းနဲ့ပေမယ့် နောက်ကွယ်က လေးနက်တဲ့ အကြောင်းအရာလေးတွေကို သတိပြုမိအောင် လှလှပပလေး ရေးတတ်တာကို သဘောကျတာ)၊ မရွှေစင်ဦး (မအိမ်သူရဲ့ စာအုပ်စင်ကြီးပါပဲ)၊ နဗန၊ စက်တင်ဘာရဲ့ကောင်းကင်၊ မမေဓါဝီ (နာမည်ကိုစိတ်ဝင်စားရာကနေ စာတွေကိုပါစွဲသွားတော့တာပဲ။ မြန်မာစာ စစ်စစ်ကြီးတွေကို ဖတ်ရတာ အားရပါးရရှိတယ်)၊ သူကြီးမင်းကိုကိုမောင် (တုံးဖလားရွာက အဖြစ်အပျက်တွေကို သဘောကျလို့ သွားသွားဖတ်တာ)၊ ကဘူးလ်က ကိုမောင်မောင်ဘလော့ဂ်၊ သစ်နက်ဆူး၊ တေဇာရဲ့လရောင်လမ်း (အက်ဆေးတွေကိုကြိုက်လို့ သွားသွားဖတ်ဖြစ်တယ်။ ကဗျာတိုလေးတွေကောပဲ။)၊ ကိုပေါရဲ့ပိတောက်ရိပ်၊ ဒေါက်တာစိုးမြင့်(မေ့ဆေး)ရဲ့ အာဖရိကရောက် မြန်မာတစ်ယောက်၊ ဆရာလေးသက်တန့်ချို၊ မကိကိ၊ မွန်းသက်ပန်၊ ကိုရင်နော်ခင်လေးငယ်၊ ၀ီရှီမီ၊ ခရေတွန်၊ မိုးမင်းဂျီး၊ လသာည၊ (အခုနေ၀သန်တဖြစ်လဲ) ဂျပန်ကောင်လေး၊ ဖိုးစိန်၊ တီတီဆွိ၊ မိုးခါး၊ နှင်းနဲ့မာယာ၊ ရွှေပြည်သူ၊ မောင်ဘကြိုင်(ချဉ်ပေါင်ခြံ) (စပါးကြီးမြွေဖမ်းတဲ့ပို့စ်ကနေ စဖတ်မိတာပေါ့။)၊ မရှင်လေး၊ ဖြိုးဖြိုးလှိုင်၊ နှင်းဆီတစ်ခင်းပန်းတစ်ခြင်း၊ သဒ္ဓါလှိုင်း၊ Sosegado၊ ကိုပီတာ၊ အဖြူရောင်နတ်သမီး၊ ချောရဲ့ အစိမ်းရောင်လွင်ပြင်၊ ပန်ဒိုရာ၊ အိမ့်ချမ်းမြေ့ရဲ့ သံစဉ်မဲ့အလင်္ကာများ (မှတ်မှတ်ရရ ဏီလင်းညိုဘလော့ဂ်ကနေ တဆင့်စရောက်ဖူးတာ)၊ မိုးငွေ့နှင့်အတူ၊ မိုးစက်ပွင့်၊ စန္ဒကူး၊ ညီလင်းသစ် (အတွေးလေးတွေ အဖြစ်အပျက်လေးတွေကို အခြေခံပြီး ကျိုးကြောင်းကျတဲ့ ဆက်စပ်အတွေးလေးတွေနဲ့ အရမ်းလှတဲ့ အက်ဆေးလေးတွေကို ရေးတတ်လို့ သတိထားမိပြီး ဖတ်ဖြစ်သွားတာ။)၊ မောင်မျိုးရဲ့ ကျွန်တော့်ဘ၀ဇာတ်ခုံ (ဘောင်းဘီရှေ့နောက်မှားတာကို သိုင်းပြောင်းပြန်နဲ့ လှည့်ဝတ်တဲ့ အတတ်ပညာကို လေးစားပါတယ်။ အခုထိကော ရေဖျန်းတဲ့ပိုက်နဲ့ အုန်းရေသောက်နေသေးလားမသိ… :P)၊ အလင်းစက်များ အစရှိတဲ့ ဘလော့ဂ်တွေ အများကြီးပါဘဲ။ ဒါတောင် စဉ်းစားလို့ရသမျှ မှတ်မိသလောက်ပဲ ရေးထားတာပါ။ မေ့နေလို့ ကျန်သွားတာတွေလည်း ရှိနေပါသေးတယ်။ ဒီထဲက တစ်ချို့ကတော့ အခုနောက်ပိုင်း ဆက်ရေးတာ မတွေ့ရတော့ပါဘူး။ အစားအသောက် ချက်တဲ့ပြုတ်တဲ့ ဘလော့ဂ် အတော်များများကိုလည်း မကြာမကြာ ရောက်တတ်ပါတယ်။

အဲဒီဘလော့ဂ်လက်ဟောင်းတွေကို ဖတ်ရင်းနဲ့ ဘလော့ဂ်လက်သစ်တွေ စတွေ့တဲ့အထဲမှာ ရွှေရတုမှတ်တမ်းဘလော့ဂ်ကနေ ဆရာဦးဟန်ကြည်ရဲ့ အတွေးစလေးတွေကို စရောက်သွားပါတယ်။ နောက်ထပ်ပြီး အမြဲလိုသွားဖတ်ဖြစ်တဲ့ ဘလော့ဂ်များကတော့ အခုကိုညိမ်းနိုင်လို့ နာမည်ပြောင်းသွားတဲ့ ကိုမောင်လေးရဲ့ မျောလွင့်တိမ်တို့နားခိုရာ၊ ဆင်တဲကဖေး၊ ဧရာဝတီစာကြည့်တိုက်၊ မဗေဒါရဲ့ဗေဒါလမ်း၊ မိုးယံရဲ့ လူသားအားလုံးအတွက်၊ နေဇော်လင်း၊ အင်္ဂဟူးရဲ့မျှဝေမှုတို့စုစည်းရာ၊ မိုးပန်းချီ၊ မြသွေးနီ၊ ဦးအောင်သင်း၊ ဦးဘုန်း(ဓါတု-မန္တလေး)၊ ငွေလမင်း၊ အေအေတီအို၊ အပြုံးပန်း၊ ခနွဲ၊ လပြည့်ရိပ်၊ ရို့စ်ရဲ့ ကျမဘ၀ရဲ့ အမှတ်တရနေရာလေးတခု၊ အိန်ဂျယ်လှိုင်၊ အမှတ်တရနေ့စွဲများ၊ ကြည်ကြည်ရဲ့ဒိုင်ယာရီ၊ ခရစ္စတယ်လ်ရဲ့ ဘ၀ရဲ့စာမျက်နှာများ (Bliss of us ကိုလည်း တခါတခါ ရောက်တယ်။)၊ တမြေထဲက မောင်ငယ်နှစ်ယောက်ဖြစ်တဲ့ အနီးဆုံး နဲ့ ကိုထွဋ်၊ မေသိမ့်သိမ့်ကျော်၊ မင်းဧရာ၊ ဖြိုးမောင်မောင်ရဲ့ ရေးမိရေးရာ အဖြာဖြာ၊ ကဗျာတွေမနားတမ်းရေးနိုင်တဲ့ တောင်ကြီးသူညီမငယ် မစံပယ် (အိမ်လည်း အတော်နှံ့နှံ့စပ်စပ် လည်နိုင်ပါတယ်)၊ မြစ်ဆုံ၊ ဒီဇင်ဘာမောင်မောင်၊ အတွေ့အကြုံတွေစုံသလို အစားအသောက်တွေ ချက်တာလည်းဝါသနာပါတဲ့အပြင် ဘလော့ဂ်တိုင်းကိုလည်း ရောက်အောင်သွားပြီး ဆုတောင်းလေးနဲ့ ကွန်မန့်ပေးတတ်တဲ့ ခင်ဖို့ကောင်းတဲ့ အန်တီတင့်၊ Mon Petit Avatar (ဟိုးအရင်တည်းက ရောက်ခဲ့ဖူးတဲ့ ဘလော့ဂ်တွေမှာ ကွန်မန့်ပေးပေးနေတာ တွေ့ဖူးနေပေမယ့် မဂျီးတော်တို့ မစည်းစိမ်တို့ မမီးငယ်တို့လို ဘလော့ဂါတွေနဲ့ ရင်းနှီးနေတဲ့ ဘလော့ဂ်ဖတ်သူ တယောက်လို့ပဲထင်ခဲ့မိဖူးတယ်။ ကိုယ်ပိုင်ဘလော့ရှိမှန်းကို လွန်ခဲ့တဲ့ လအနည်းငယ်ကမှ သိပြီး သွားဖတ်ဖြစ်ခဲ့တဲ့ စိတ်ဝင်စားစရာ ဘလော့ဂ်လေးတခုပါ)၊ ခင်မောင်ချင်း(ချင်းကလေး)၊ ကြယ်လွမ်းသူ၊ မဒမ်ကိုးနဲ့ ကိုရင်သာပျော့ … အများကြီးပါပဲ။ ရောက်ဖြစ်ပြီး နာမည်မပါတဲ့ ဘလော့ဂ်များလည်း ရှိနိုင်ပါသေးတယ်။ ဒါက လက်လှမ်းမှီရာ သတိရသလောက်ကိုသာ ရေးချလိုက်တာပါ။ မအိမ်သူမရောက်ဖူးသေးတဲ့ ဘလော့ဂ် အသစ်အဟောင်းတွေလည်း များစွာရှိနေပါသေးတယ်။ နောက်ထပ်ပြီးတော့ နေ့စဉ်နဲ့အမျှ ဘလော့ဂ် အသစ် အသစ်တွေ ထပ်ထပ်တိုးလာနေတာကိုလည်း တွေ့နေရပါတယ်။ ဘလော့ဂ်ရွာကနေ မြို့တော်ကြီးတမျှ ဖြစ်လာနေပါပြီ။ ဘလော့ဂ်တွေကလည်း အကြောင်းအရာအမျိုးမျိုးနဲ့ အတွေး အမြင် အသိပညာ အတတ်ပညာ ဘာသာရေး စီးပွားရေး လူမှုရေး နိုင်ငံရေး ချက်ရေးပြုတ်ရေး ဘယ်ဖက်ကမှ မလွတ်ရအောင် ဖတ်စရာ မှတ်စရာ အသိအလိမ္မာ တိုးစရာ လေ့လာကျင့်သုံးစရာတွေကို ဝေမျှပေးနေကြတာ တကယ်ကိုအားရစရာပါ။ ယူတတ်မယ်ဆိုရင် သုံးမကုန်နိုင်တဲ့ ရတနာသိုက်ကြီးလိုပါပဲ။

မအိမ်သူကတော့ တစ်ရက်စာမဖတ်လိုက်ရရင် တနေ့တာမပြည့်စုံဘူးလို့ထင်တဲ့ စာဖတ်သမားသက်သက်ပါ။ ဘလော့ဂ်တွေလည် စာလိုက်ဖတ်ပြီး ခြေရာမချန် ကွန်မန့်မပေးတတ်ပဲ တိတ်တဆိတ်လေး ပြန်လာတတ်တဲ့ ကန့်လန့်ကာနောက်ကွယ်မှာပဲ နေချင်တတ်သူပါ။ မရည်ရွယ်ပါပဲ လုပ်ဖြစ်သွားတဲ့ ဘလော့ဂ်လေးမှာ စာရေးနိုင်ဖို့အတွက်ကိုတော့ အတော်လေးကို အားထုတ်ရပါတယ်။ စာရေးဖို့အတွက် စာတွေအများကြီး ပိုဖတ်ရသလို စာရေးဖို့အချိန်ကိုလည်း မအားတဲ့ကြားက ကြိုးစားပြီး အချိန်တွေလုရပါတယ်။ ကိုယ့်ရဲ့ တာဝန်တွေ ၀တ္တရားတွေ အလုပ်အကိုင်တွေ လူမှုရေး မိသားစုအရေးတွေကို ဘလော့ဂ်ရေးတာကြောင့် အပျက်ကွက် အထိခိုက်မခံချင်သလို စာတွေကိုလည်း ပို့စ်ဖြစ်ပြီးရော တာဝန်ကျေရေးတာမျိုး မလုပ်ချင်တတ်တဲ့စိတ်ကြောင့် ရေးမိသမျှလေးတွေကိုတော့ ကြိုးစားပြီး တတ်နိုင်သလောက် အကောင်းဆုံးဖြစ်အောင် ရေးချင်တဲ့စိတ်နဲ့ စာတစ်ပုဒ်ဖြစ်လာဖို့အတွက် အချိန်တွေ အများကြီးကိုလည်း ရင်းနေခဲ့ရပါတယ်။ အဲဒီလို နှစ်ခုလုံးကို အကောင်းဆုံးဖြစ်စေချင်တဲ့ စိတ်ဆန္ဒနှစ်ခုကြားမှာ တခါတလေ ကိုယ့်စိတ်နဲ့ ကိုယ့်ကိုယ် ညှိနှိုင်းမရတဲ့ အဖြစ်မျိုးတွေနဲ့ နပန်းလုံးရတာ မအိမ်သူအတွက် သိပ်တော့ မလွယ်လှပါဘူး။ ဒါပေမယ့် ဘလော့ဂ်လေးလုပ်ဖြစ် သွားတဲ့အတွက်ကြောင့် အရင်က ကိုယ့်စိတ်ထဲမှာပဲ ကိုယ့်ဟာကိုယ် တဖက်သတ် ရင်းနှီးနေခဲ့တဲ့ နိုင်ငံပေါင်းစုံက အခြားဘလော့ဂါများနဲ့ သိကျွမ်းခင်မင်ခွင့်ရတာကတော့ တကယ့်ကို ၀မ်းသာရပါတယ်။ တဦးနဲ့တဦး မမြင်မတွေ့ဖူးကြဘဲ ဘလော့ဂ်မှာရေးသားထားတဲ့ စာလေးတွေကတဆင့် စာရေးတဲ့သူကို စိတ်ကူးပုံဖေါ်ကြည့်ပြီး ခင်ရတာပေမယ့် စိတ်ထဲမှာတော့ တရင်းတနှီးရှိလှတာ အမှန်ပါပဲ။ အပေါင်းအသင်း နယ်ပယ်ကျယ်လာပြီး မိတ်သစ် ဆွေသစ်တွေ တိုးပွားလာတယ် ဆိုတာကိုက မင်္ဂလာတပါးပဲ မဟုတ်လား။ ဘလော့ဂ်ဒေးမှာ ဘလော့ဂါအပေါင်း ကျန်းမာ ရွှင်လန်းစွာနဲ့ ရှေ့ဆက်ပြီးတော့ မိမိနှစ်သက်ရာ စာလေးများကို ဆက်လက်ရေးသားပြီး ပျော်ပျော်ရွှင်ရွှင် ဘလော့ဂင်းနိုင်ကြပါစေကြောင်း ဆုတောင်းမေတ္တာ ပို့သပါတယ်ရှင်။

ဘလော့ဂ်ဒေးအတွက် မိတ်ဆက်ပေးချင်တဲ့ ဘလော့ဂ်လေး ငါးခုပါ။

မောင်တိုင်ပင်၏ အတွေးပုံရိပ်များ

CMS’s Web Diary

ဆြာဘရဲ့မှတ်စု

ကျွန်ုပ်တို့၏မန္တလေး

တူးတူးသာ

အမြဲတမ်း ငြိမ်းချမ်းကြပါစေ။